نیوز لیکس کمیٹی ئَ گوں منی اِچ سیادی نیست، سئے سال ئُُ نیم ئِ اندر ئَ کم ئُُ گیش چار لکھ شناسی کاٹ بلاک ئُُ 32400پاسپوٹ رد کنگ بوتگ، ھال رسانکی در آنی ایراد سر ئُُ چمان اَنت، بلے ھال در ھلاپ ئِ مردم آنی للِک ئَ دپ ئَ مکن اَنت، اسلاآباد ئَ چہ پروفیسر حیدر ئَ ابید دگہ کس ئِ بیگواہ بوھگ ئِ ھال نیست اِنت، کوشست اِنت کہ بیگواھیں مردم آنی زوت پد جنگ بہ بیت،
بُنجاھی تہی کارانی وزیر چوہدری نثار علی خان ئِ کلر سیدان ئَ ھال رسانکی در آں گوں تران
اسلام آباد ۔ 14 جنوری (اے پی پی) بُنجاھی تہی کارانی وزیر چوہدری نثار علی خان ئَ گوشت کہ اُردی ھوالگ اپوزیشن ئُُ حکومت ئِ نیام ئَ شور ئُُ سلاھ جاڑی اِنت ایشانی مول ئُُ مراد ناشرکاری ئَ را آسر ئَ سر کنگ ئِ ھاترا فاسٹ ٹرائل ئِ رپک ئَ را پجار کنگ اِنت۔ تہی کارانی وزارت ئَ کوئٹہ کمیشن ئِ بابت ئَ وتی پسو ئُُ بُن گپ تیار کتگ۔ تہی کارانی وزارت سپریم کورٹ ئَ 17یا 18جنوری ئَ وتی پسو ئَ دنت، نیوز لیکس ئِ کمیٹی ئَ گوں منی اِچ سیادی نیست۔ کمیٹی ئَ حکومت ئِ پاکستان جوڑ کنت ایشی ئِ نوٹیفکیشن ئَ وزارت ئِ تہی کار کنت ، تانکہ وت واجئیں کمیٹی آیوکیں لستیں روچ آنی تہ ئَ وتی رپوٹ ئَ پیش بہ کنت۔ پیپلز پارٹ ئِ ٹیرتیں گپ آنی من اِچ پسو ئَ ندیاں، آوانی کرا سینٹ ئَ منی دانک آنی اِچ پسو نیست اَت پمشکہ آ تتکگ اَنت۔ ما سئے سال ئُُ نیم آنی تہ ئَ چار لکھ شناسی کاٹ ئُُ 32400پاسپوٹ رد کتگ، ھال سر آنی راستیں ئُُ تچکیں ایراد آں منی سر ئُُ چمان اَنت، بلے ھال رسانکی در ھلاپ ئِ مردم آنی للک ئَ گپ مکن اَنت۔ اسلام آباد ئَ چہ پروفیسر حیدر ئَ ابید دگہ اِچ کس ئِ بیگواہ بوھگ ئِ مالوم داری نیست، مئے جھد اِنت کہ بیگواہ بوتگیں مردم زوت وتی گس ئَ سر بہ بانت۔ اے ھیال آنی درشانی ئَ یک شمبے ئِ روچ ئَ کلر سیدان ئَ نوک گچین بوتگیں بلدیاتی نمائندگ ئَ گوں گند ئُُ نند ئِ موہ ئَ اھوالکاراں گوں تران کنان ئَ گوشت اَنت۔
