اسلام آباد۔ 13جنوری (اے پی پی) پاکستان مسلم لیگ (ن) نا راہشون و مسکوہی وزیر خزانہ عمر ایوب خان پارینے کہ بنجائی وزیر خزانہ اسحاق ڈار ملک انا ڈبینگوک آ معیشت ئِ سیبو تسنے۔ ریڈیو پاکستان تون ہیت وگپ کرسا اوپارے کہ پاکستان ترندی اٹ شونداری نامزل ئِ طے کننگ ئِ و دا شونہالی ننے بھلو وخت اسے آن پد نصیب مسنے۔ عمر ایوب خان پارے کہ ملکی شونہالی و شونداری نا سہرا وزیراعظم محمد نواز شریف و بنجائی وزیر خزانہ اسحاق ڈار تون اوار مچ آ ٹیم انا کاٹم تیاٹی ئِ، ہرافتا دے و نن نا خواری آن شرح نمو ٹی ودکی خننگ انگ ئِ ۔ اوپارے کہ ملک انا شونداری نا انحصار کشت وکشار، صنعت و ایلو پروجیکٹ آتیا ٹی ئِ و داڑآن بھاز زیات حکومت نا مثبت پالیسی تا مریک۔ اوپارے کہ گدرینگوک آ دور تیٹی ملکی حالیت آک ہندن ئسر کہ تہہ نا زرکارآک ہم زرکاری آن خلیسرہ دن مف کہ اوفتا سرمایہ غاک ڈبنگپس۔ مسکوہی وزیر پارے کہ ساڑی حکومت نا گچین ومثبت پالیسی تا سوب تہہ نا زرکارآتون اوار درملکی زرکارآک ہم پاکستان اٹی پین 57ارب ڈالر نا زرکاری پاکستان اٹی بننگ والا ئِ۔ اوپارے کہ چین اسہ ارب ڈالر آن زیات نا زرکاری افریقہ ٹی کننگ ئِ و داڑکن ہم پاکستان نا راہداری ئِ کاریم اٹ اتنگے ہراڑآن پاکستان اٹی پین شونداری و روزگارنا ودکی مریک۔
