اسلام آباد۔ 13جنوری (اے پی پی) بنجائی وزیر مذہبی امور سردار محمد یوسف پارینے کہ حکومت مدرسہ غاتا جدیدیت نا بابت گام گیج کننگ ئِ۔ جمعہ آ ریڈیو پاکستان تون ہیت وگپ کرسا اوپارے کہ مدرسہ غاتیٹی جدید نصاب تعلیم وخت انا اہم ئُ گرج اسے ہرادے ممکن جوڑ کننگ کن وزارت مذہبی امور تینا کڑد ئِ ادا کننگ ئِ۔ اومستی پارے کہ پنچ جماعت اسکان قرآن پاک نا تعلیم ئِ المی گوندنگک و شش می جماعت آن دوانزدہ می جماعت اسکان قرآن پاک ترجمہ اتون خوانفنگک۔ اوپارے کہ مدرسہ غاتیٹی اصلاحات وخت انا اہم ئُ گرج اسے تانکہ مذہبی و جدید تعلیم نا نصاب اٹی توازن ئِ قائم کننگ مرے۔
