اسلام آباد۔ 13جنوری (اے پی پی) بنجائی وزیر سائنس و ٹیکنالوجی رانا تنویر حسین ایوان بالا ئِ پارینے کہ بوتل آتیٹی بہاءمروک آ غیر معیاری منرل واٹر نا برخلاف کارروائی کرسا کیہی کمپنی و فیکٹری تے بند کننگانے و11برانڈاٹی کیمیکل آتا کچرہ تا معلوم مسنے، الس اٹی دابابت آگاہی ودی کننگ نا گرج ئِ۔ جمعہ آ ایوان بالا نا دیوان اٹی وقفہ سوج آتا وخت سینیٹراعظم سواتی ، تاج حیدر و ایلوفتا سوج آتا ورندی ٹی بنجائی وزیر سائنس و ٹیکنالوجی رانا تنویر حسین پارے کہ کنوئی آ دیر انا معیار ئِ المی جوڑ کننگ پی ایس کیو سی اے و پی سی آرڈبلیو آرنا مینڈیٹ اف۔ بوتل آتیٹی ہرادیر مریک اوفتا معیار ئِ چیک کننگ ننا مینڈیٹ ئِ۔ اسلام آباد اٹی کُننگ کن صاف و رکھ دیر انا سپلائی کن سی ڈی اے کیہی ہند آتیا ٹیوب ویل و فلٹریشن پلانٹ خلکونے۔ 35بوتل والا دیر تا غاو تیا داوخت آ کارروائی کننگ انگ ئِ۔ غیر معیاری کمپنی تا برخلاف کارروائی کننگک، ہرافتے سیل ہم کننگک۔ اوپارے کہ داہیت راست ئِ کہ بوتل والا دیر انا فراوانی نا مافیا ہم ساڑی ئِ۔ اسہ کمپنی نا برخلاف اسہ جاگہ کارروائی کینہ تو او ایلو جاگہ غا ہنسا کاریم نا بنائِ کیک۔ خلقت بے رکھ دیر ہلسا کُننگ ئُ۔ نن تینا دور اٹی خراب ئُ دیر تروک آ 87کمپنی و فیکٹر تے بند کرینن۔ اوپارے کہ اسہ سال آن ای دا روایت ئِ اختیارکرینٹ کہ بھلاکمپنی تے پان کہ دیر انا چنکو بوتل فراوان کیر۔ بھلا بوتل آتیٹی دیر زیان مریک۔ سینیٹر اعظم سواتی نا سوج انا ورندی ٹی وزیر سائنس و ٹیکنالوجی رانا تنویر حسین پارے کہ غیر معیاری منرل واٹر نا تیار ئِ توننگ کن سزا و جرمانہ نا زرآتیٹی ودکی کرینن۔ مسہ تو آن ودسا پنچ سال انا قید نا سزائِ کرینن۔ جولائی آن ستمبر 2016ءنا وخت اٹی پی سی آر ڈبلیو آر معیار نا جاچ ئِ ہلنگ نا غرض آن 109بوتل والا دیر انابراڈز جمع کرے۔ اوفتیان 11برانڈ کیمیکل آتا کچرہ تا سوب بے رکھ خننگار۔ کیہی لیبارٹری تا کٹیا اسہ سال اٹی 7.4.044ملین روپئی ئِ۔
