بندغ آتے بے گواہ کننگ نا بابت بل اتنگ کن پارلیمانی لیڈرآتون نی تینٹ ہیت کر، دا چیئر نا کاریم اف،چیئرمین سینیٹ رضا ربانی نا فرحت اللہ بابر تون گپ وتران

اسلام آباد۔ 13جنوری (اے پی پی) چیئرمین سینیٹ میاں رضا ربانی سینیٹر فرحت اللہ بابر تون پارینے کہ بندغ آتے بے گواہ کننگ نا بابت بل اتنگ کن پارلیمانی لیڈر آتون نی تینٹ ہیت کر داڑکن ہیت کننگ چیئرنا کاریم اف۔ جمعہ آ ایوان بالا نا دیوان اٹی سینیٹر فرحت اللہ بابر السی اہمیت نا معاملہ غا ہیت کرسا پارے کہ حکومت دابابت بل اتنگ نا یخین دہانی کرفیسس ولے او بل بتنے۔ اوپارے کہ دا معاملہ بھاز اہمیت اختیار کرسا ہِننگ ئِ ۔ داسہ اسلام آباد آں ہم خلقت بے گواہ مننگ ئِ، درو اسہ پین بندغ اسے ہرفنگ آن پد ہلنگانے۔ چیئرمین سینیٹ پارے کہ دا معاملہ غا بل اتنگ کن نی غٹ پارلیمانی لیڈرآتون تینٹ ہیت کننگ کیسہ دا چیئر نا کاریم اف۔