اسلام آباد۔ 13جنوری (اے پی پی) چیئرمین سینیٹ میاں رضا ربانی تینا رولنگ آ وزارت خزانہ و نیشنل بینک انا کنڈآن عمل کپننگ نا بناءآ سینیٹ نا استحقاق مجروح مروک آ سوج آ سینیٹ نا استحقاق کمیٹی نا رپورٹ ئِ ایوان اٹی پیش کننگ کن پین مہلت تس۔ جمعہ آ ایوان بالا نا دیوان اٹی سینیٹ نا قائمہ کمیٹی استحقاقات نا چیئرمین سینیٹر جہانزیب جمالدینی تحریک پیش کرے کہ کمیٹی ئِ پین 60 دے انا مہلت تننگے تانکہ او دا معاملہ غا کمیٹی نا رپورٹ ئِ پیش کننگ کے۔ چیئرمین کمیٹیئِ وخت تننگ نا منظوری ئِ تس۔ چیئرمین سینیٹ گیس انفراسٹرکچر ڈویلپمنٹ سیس بل 2015ءآ کمیٹی نا رپورٹ آ عملدرآمد کن جوڑ کروک آ خصوصی کمیٹی ئِ ہم رپورٹ پیش کننگ کن پین سی دے انا مہلت تس۔
