اسلام آباد۔ 13جنوری (اے پی پی) عوامی نیشنل پارٹی نا راہشون سینیٹر ستارہ ایاز پارینے کہ پاکستان و امریکہ نا تعلقداری تیٹی پین گچینی اتنگ نا گرج ئِ۔ اومیت ئِ کہ پوسکن گچین مروک آ صدر ڈونلڈ ٹرمپ نا دروحکومت اٹی ہڑتوم آ ملک آتا تعلقداری تیٹی گچینی مریک۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ جہانی کہول آ تعلقداری تا شیفی و بڑزی برسا کیک ولے اومیت ئِ کہ پوسکن گچین مروک آ امریکی صدر ڈونلڈ ٹرمپ پاکستان نا دہشت گردی نا برخلاف برجاہ جنگ ئِ نظر انداز کپک۔ اوپارے کہ پاکستان دہشت گردی نا برخلاف جنگ اٹی اسہ بھلا سیوتی ملک ئِ ہرادہشت گردی نا چٹفنگ کن بھلو قربانی تسنے۔
