اسلام آباد۔ 12جنوری (اے پی پی) سی پیک ڈٹ دنیا ٹی برجاہ غٹ آن بھلا شونداری ڈٹ ئِ، 57ارب ڈالر مالیت آن زیات نا پاک چین اقتصادی راہداری ڈٹ پاکستان ئِ ترند رفتار اقتصادی شونداری نا شاہراہ غا دیک۔ مریس، کشادہ و رکھوک روڈآتا ڈٹ آتا پوروی پاکستان الس کن روشن آخبت نا نوید مریک۔ پلاننگ کمیشن نا دستاویز آتا رداٹ بنجائی حکومت مالی سال 2016-17ءنا سرکاری بشخ انا شونداری پروگرام تیٹی وزارت مواصلات نا 84ڈٹ آتے کن اسہ کھرب 93ارب 28کروڑ 52لکھ 65ہزار روپئی جتا کرینے، گدرینگوک آ سال انا ایسر اتی بیجنگ اٹی مشترکہ کمکار کمیٹی (جے سی سی ) ٹرانسپورٹ انفراسٹرکچر نا اِرا بھلا ڈٹ ملتان سکھر موٹروے و قراقرم ہائی وے نا حویلیاں تھاکوٹ سیکشن ئِ سی پیک کن اہم مزل نا نشان اس گوندسا اوڑآ کاریم نا رفتار و دارداٹ پاکستانی حکومت نا کنڈآن کروک آ سیکورٹی و ایلو بست و بندی گام گیج آتیا است جمی نادرشانی ئِ کرینے۔ جے سی سی روڈ انفراسٹرکچر نا مسہ پین ڈٹ آتا ہم منظوریئِ ترسا اونا دمدستی فنانسنگ کن تعلقدارادارہ غاتے غٹ کارروائی ئِ پورو کننگ نا پارت جاری کرے، ڈٹ آتیٹی سی پیک روعٹ آ قراقرم ہائی وے تھاکوٹ آن رائیکوٹ 136کلو میٹر شاہراہ نا بحالی، بلوچستان نا الس کن اہم ئُ ڈٹ خضدار۔ بسیمہ شاہراہ و دیکی روٹ آ ڈیرہ اسماعیل خان ژوب روڈ انا اپ گریڈیشن نا ڈٹ اوار ئِ۔ جے سی سی دیکی روٹ آ گوادر سوراب650کلو میٹر شاہراہ ئِ فعال جوڑ کننگ و ہکلہ ڈیرہ اسماعیل خان موٹروے آ برجاہ کاریم نا رفتار ترندی اٹ برجاہ ئِ۔
