اسلام آباد۔ 11جنوری (اے پی پی) ڈرگ ریگولیٹری اتھارٹی آف پاکستان (ڈریپ) ملک انا کیہی شارتیٹی جعلی و مضر جان جوڑی دوائی تا بہاکننگ نا برخلاف کریک ڈاﺅن نا بنائِ کرینے۔ سرجم احوال آتارداٹ ڈریپ نا فیڈرل انسپکشن ٹیم کیہی علاقہ و دوائی ساز ادارہ غاتیا چھاپہ خلکر و غیر کانودی دوائی تا ڈوہ اٹی اوار بندغ آتابرخلاف سخت کارروائی کریر۔ ڈریپ نا اسلام آباد اٹی کاریم کروک آ ٹیم اتون اوار ایڈیشنل کمشنر اسلام آباد ہم ارے وخت اس کہ ڈریپ نا اسہ پین فیڈرل انسپکشن ٹیم اس لاہور اٹی کیہی میڈیکل اسٹور و غیر کانودی وڑاٹ دوائی تا بشخ و پانٹ کروک آ ادارہ غاتیا ہم چھاپہ خلکر۔ ڈریپ نا کنڈآن جعلی، نقلی و زیات میعاد غیر کانودی دوائی تا برخلاف پبی کارروائی کننگ انگ ئِ ہرانا مسخت ڈکھیا انسانیت ئِ معیاری، گچین و رکھ دوائی تا فراوانی ئِ المی جوڑ کروئی ئِ۔ فیڈر ل ٹیم انا لاہور اٹی کارروائی ٹی غیر کانودی دوائی تا برآمدگی و کوالیفائیڈ عملہ نا ساڑی مفننگ نا سوب ہیلتھ کیئر نیوٹریشن لاہور ئِ بند کننگانے۔ ہندا وڑ میسرز محمود فارمیسی لاہور ئِ بھلو کچ اسے آ غیر رجسٹرڈ جنسی دوائی تخنگ آبند کننگا۔ دا غیر رجسٹرڈ دوائی تا ساڑی گری ڈریپ نا ایکٹ 2012ءنا خلاف ورزی ئِ۔
