اسلام آباد۔ 11جنوری (اے پی پی) پاکستان مسلم لیگ (ن) نا راہشون و باسک قومی اسمبلی دانیال عزیز پارینے کہ عمران خان تون شاہدی اف دوبہ غاک ئُ و دوبہ غاتے اٹ کاریم چلینگپک۔ چارشنبے آ سپریم کورٹ نا پیشن میڈیا تون ہیت وگپ کرسا اوپارے کہ عدالت عظمیٰ ٹی بیان ترسا پی ٹی آئی نا وکیل نعیم بخاری پارینے کہ وزیراعظم نا کنڈآن پارلیمنٹ اٹی کروک آ تقریر اٹی غلط بیانی و مریم نواز نا وزیراعظم نا زیر کفالت مننگ نا بابت کیس ئِ مون آ دننگے۔ دانیال عزیز پارے کہ 2005ءٹی وزیراعظم نا خاہوت نا دا پراپرٹی تون ہچ ئُ تعلق اس الو و نہ ہی داکان مست اوڑتون دا فلیٹ آک ئسر۔ اوپارے کہ عدالت عظمیٰ ٹی ہراتم ننا وکیل ئِ دلیل تننگ نا موقع ملک تو ہمووخت آ غٹ شاہدی تے پیش کننگک، ہندن ہندن کیس مون آ ہِننگ ئِ پی ٹی آئی والاک دروغ شاہدی پیش کننگ نا کوشست کننگ ئُ ۔ داکان مست پاننگاکہ کہ اوفتے تون وزیراعظم نا برخلاف شاہدی ساڑی ئِ۔ دانیال عزیز پارے کہ داسہ کیس انا رخ بدل مسنے۔
