ای سی سی برآمد کنندگان کن وزیراعظم نا آسودہی پیکج نا منظوری ئِ تس
اسلام آباد۔ 11جنوری (اے پی پی)بنجائی کابینہ نا اقتصادی رابطہ کمیٹی (ای سی سی ) برآمد کنندگان کن وزیراعظم نا آسودہی پیکج نا منظوری ئِ تسنے۔ ای سی سی نا دیوان چارشنبے آ بنجائی وزیر خزانہ سینیٹر اسحاق ڈار نا کماشی ٹی پرائم منسٹر آفس اٹی مس۔ دیوان اٹی فنانس ڈویژن نا کنڈآن اہم اقتصادی ٹک، گڑاتا نرخ و اسٹاک نا حالیت، توانائی، درملکی زرمبادلہ نا کوڑی ، درملکی زرکاری، واپاری کچ و خراج محصول آتا بارواٹی بریفنگ تننگا۔ ای سی سی فنانس ڈویژن نا پیش کروک فنانس ڈویژن نا کنڈآن برآمد کنندگان کن وزیراعظم نا آسودہی پیکج نا بابت سمری نا منظوری ئِ تس۔ ای سی سی وزارت دیر و بجلی نا کنڈآن نیلم جہلم سرچارج نا مد 30 جون 2018ءاسکان ودفنگ نا بابت سمری نا ہم منظوری ئِ تس۔ داکان بیدس مشترکہ مفادات کونسل نا فیصلہ نا روشنی ٹی ای سی سی وزارت دیر و بجلی نا کنڈآن حکومت پنجاب نا جم ہائیڈل پرافٹ نا کلیم آتے چٹفنگ کن واپڈائِ فنانس ڈویژن نا کنڈآن حکومت پاکستان نا گارنٹی تننگ نا ہم منظوری ئِ تسنے۔
