اسلام آباد۔ 10جنوری (اے پی پی) مسلم لیگ (ن) نا راہشون سینیٹر نہال ہاشمی پارینے کہ فوجی عدالت آتا مد اٹی ودیکی نا بابت صلابت برجائِ، حکومت نا مخالفت کننگ اپوزیشن نا کاریم ئِ۔ سے شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ فوجی عدالت آتا بابت غٹ سیاسی جماعت آتون صلابت کننگک۔ اوپارے کہ حکومت نا مخالفت کننگ اپوزیشن نا کاریم ئِ ولے مثبت تنقید نا خیرمقدم ئِ کننگک۔ اسہ سوج اسے نا ورندی ٹی اوپارے کہ 2013ءآن مست انا پاکستان دہشت گردی و توانائی نا تنکی اٹی تماسس۔ اینو نا پاکستان ترندی اٹ شونداری نا مزل ئِ طے کننگ ئِ۔
