اسلام آباد۔ 10جنوری (اے پی پی) گلگت بلتستان نا وزیراعلیٰ حافظ حفیظ الرحمان پارینے کہ حکومت گلگت بلتستان نا خشکاوہ ڈغار ئِ دسنگ نا قابل جوڑ کننگ کن 13ارب روپئی نا فنڈ جتا کرینے۔ احوالکار آتون ہیت وگپ کرسا اوپارے کہ پاکستان مسلم لیگ (ن) نا حکومت گلگت بلتستان اٹی ڈغار نا جھیڑہ غاتے ایسر کننگ کن کشاری اصلاحاتی کمیشن اس اڈ تسنے۔ وزیراعلیٰ پارے کہ دا کمیشن کلمشن داس ڈغار نا جھیڑہ ئِ ایسر کرفنگ اٹی تینا کڑد ئِ ادا کیک۔ اوپارے کہ حکومت کشت و کشار نا بشخ ئِ مون آ دننگ و کشت و کشار نا شونداری کن جہانی فنڈ انا رداٹ کاریم نا بنائِ کرینے و داچرجوئی ٹی 50ہزار ایکڑ خشکاوہ ڈغار ئِ دسنگ نا قابل جوڑ کننگ کن 13ارب روپئی نا فنڈ جتا کرینے ۔
