ہرنائی۔ 10جنوری (اے پی پی) ڈپٹی کمشنر عصمت اللہ قریش پارینے کہ ضلع ہرنائی ئِ پولیو کون آ خراب انگا مرض انا پورو چٹفنگ کن عالم دین ، سیاسی جماعت ، استاد، قبائلی سرکڑدہ ، طالب علم ، این جی او، صحافی ، گچین مروک بلدیاتی نمائندہ و خاص کر لمہ و باوہ غاتا کمک بے حد المی ئِ اگہ لمہ و باوہ غاک محکمہ جان جوڑی نا عملہ تون کمک کیرہ تو نن حکومت نا کنڈآن تروک آ ٹارگٹ ئِ آسانی اٹ پورو کننگ کینہ داڑآن اوفتا چناک ہم خراب انگا ناجوڑی آن رکھوک مریرہ۔ الحمداللہ ضلع ہرنائی ٹی داوخت اسکان پولیو نا ہچ ئُ کیس اس مون آ بتنے داغٹ پیرامیڈیکس محکمہ جان جوڑی ضلعی انتظامیہ و غٹ سرکاری محکمہ غاتا افسر آتا کمک و خواری نا نتیجہ ئِ۔ 17جنوری آ بناءکروک آ پولیو مہم نا چرجوئی ٹی اڈ ہلوک آ دیوان آن تران کرسا ڈپٹی کمشنر پارے کہ ضلع ہرنائی ئِ پولیو کون آ خراب انگا مرض انا پورو چٹفنگ کن عالم دین، سیاسی جماعت، استاد، قبائلی سرکڑدہ ، طالب علم ، این جی او، صحافی، گچین مروک آ بلدیاتی نمائندہ و خاص کر لمہ و باوہ غاتا کمک بے حد المی ئِ اگہ لمہ و باوہ غاک محکمہ جان جوڑی نا عملہ تون کمک کیرہ تو نن حکومت نا کنڈآن تروک آ ٹارگٹ ئِ باآسانی اٹ پورو کننگ کینہ داڑآن اوفتا چناک خراب انگا ناجوڑی آن رکھوک مریرہ۔ دیوان اٹی ڈسٹرکٹ چیئرمین شاہ جہان پٹھان، چیئر مین میونسپل کمیٹی سید غفور شاہ، مسکوہی ضلع ناظم مولانا عبدالحنان ، ڈسٹرکٹ ہیلتھ آفیسر ڈاکٹر محمد جاوید ، پی پی ایچ آئی نا ڈسٹرکٹ سپورٹ منیجر وطن یار خان ، ڈسٹرکٹ انفارمیشن آفیسر غوث اللہ تون اوار غٹ ضلعی محکمہ غاتا افسر آک ساڑی ئسر۔
