اسلام آباد۔ 9 جنوری (اے پی پی)وزیرئِ مملکت اھوالکاری ئُُ شنگ کاری ئُُ راجی مڈی، مریم اورنگزیب ئَ گوشت کہ مزن وزیر محمد نواز شریف ئَ وتی سیاسی زندمان اُلس ئِ اِزمت کنگ ئَ پہ ندر کتگ، عمران خان ئُ گوشتگ کہ مزن وزیر ھر جاھ ئَ پیت ئِ کپ کنگ ئَ ساڑی بیت، چیا کہ آئی ئَ کار کتگ، وھدیکہ عمران خان ئَ دروگ ، بُھتام ئُُ ھُشو دیگ ئِ سیاست ئَ ابید اِچ نہ کتگ۔ پی ٹی آئی ھمے سیاست ئِ بُنیات ئِ سر ئَ 2018ئِ الیکشن ئَ شکست وارت۔ عمران خان ئِ ایجنڈا اُلس ئِ اِزمت کنگ ئِ مول ئَ نہ اَنت، آ یات بدار ایت کہ پانامہ لیکس ئِ کیس ئَ پد آ چے کنت۔ راج ئَ گوں کتگیں سوگند آنی پد ئَ مزن وزیر منصوبگ آنی پیت ئَ کپ کنگ ئَ اِنت ئُُ صاحب خان تو ھما چیز ئَ کپ کنگ ئَ اِت کہ تو کشتگ۔ پی ٹی آئی ئَ گڈ ئَ مزن وزیر ئِ زھگ آنی ڈیڈ ئَ ئَ من اِت، مئے وکیل ئِ دلیل آنی سرجم بوھگ ئَ بازیں چیز ئِ ساپ بیت۔ آ دو شمبے ئِ روچ ئَ ھال در آں گوں تران کنان اَت۔ راجی اسمبلی ئِ باسک طلال چوہدری۔ دانیال عزیز ئُُ ایندگہ مسلم لیگی رھشون آئی ئِ ھمبراھ اَتاں۔ وزیر ئِ مملکت مریم اورنگزیب ئَ گوشت کہ تحریک ئِ انصاف مزن وزیر ئِ زھگ آنی ھما ڈیڈ ئِ ھلاپ بوتگ، ھمے بُنگپ ئِ سر ئَ دور آیگ ئَ پی ٹی آئی ئَ اے ڈیڈ من اِت، آمید گس ئَ کہ ھرچی جُست کُت اَنت ، مئے وکیل ئَ ھرچی دلیل دات اَنت، آوانی وکیل ئِ دلیل ھلاس بوت اَنت۔ زوت اے بُنگپ سرجی ئَ ساپ بیت۔
