اسلام آباد۔ 7 جنوری (اے پی پی) حکومت ئَ راجی کیاس گر آرڈیننس ئَ را مٹ ئُُ بدل کنگ ئِ ھاترا پیسلہ کتگ، پلی بارگین یا وت مستری ئَ زرّ آنی واپس کنگ ئِ ھاترا آمید گس ئِ منظوری المی بیت۔ کرپشن ئَ گوں دست مانجن بوھگ ئَ سرکاری کارندہ تاں زندمان نااہل بنت۔ بُنجاھی وزری اسحاق ڈار ئَ شمبے ئِ روچ ئَ کانود ئِ باسک آنی گوما چار ئُُ تپاسی کمیٹی ئِ ھمبراھی ئَ کانفرنس ئَ گوں تران کنان ئَ گوشت کہ حکومت ئَ لُٹ ئُُ پُل ئِ گر ئُُ دار ئِ ھاترا کانود آناں گیش سک دارگ ئِ ھاترا نیب آرڈینند ئِ آرٹیکل 25(اے) ئِ تہ ئَ مٹی آرگ ئِ پیسلہ کتگ۔ اے رد ئَ یک آرڈیننس ئِ یک شمبے ئَ شپ ئِ 12بج ئَ پیسر پیش کنگ بیت۔ آئی ئَ گوشت کہ مزن وزیر ئَ توامیں پیش کتگیں کارھبند آنی منظوری داتگ۔ اسحاق ڈار ئَ گوشت کہ 25۔ اے (وت مستری واتری یا پلی بارگین) ئِ بابت ئَ ھاسیں پُکگگ بوتگ ئُُ سپریم کورٹ ئَ ھم پلی بارگین ئِ ھوالگ ئَ حکومت ئِ مول ئُُ مراد پول اِتگ بوتگ اَنت۔
