اسلام آباد۔ 07 جنوری(اے پی پی) مزن وزیر ئِ مشیر راجی راجدپتی ئُُ ادبی مڈی عرفان صدیقی ئَ گوشت کہ 2017ئِ سال ئَ را ”ضرب ئِ قلم“ ئِ سال ئِ نام ئَ گوازینگ بیت۔ مزن وزیر محمد نواز شریف ئَ پنجاھ کروڑ کلدار ئِ انڈومنٹ فنڈ ئِ دیگ ئَ ابید شاعر ئُُ لبزانکار آنی گہبود ئِ ھاترا ھاسیں پیکیج دیگ ئِ منظوری داتگ، ایشی ئِ وسیلگ ئَ ھمک ماھ ئِ وظیفہ پنچ ھزار ئَ چہ ودینگ ئُُ سینزدھ ھزار کلدار کنگ بوتگ اَنت۔ لائف انشورنس ئِ وسیلگ ئَ ندکار آنی بیرانی ئَ چہ کمکی زرّ ودینگ ئُُ گیش کنگ بوتگ اَنت۔ ھمک سال ئَ راجی ئُُ ھندی زبان آنی سر ئَ 11وانگی ئِ مٹ ئَ 20وانگی آنی داد دیگ بیت۔وھدیکہ منظور کتگیں پٹ ئُُ پولی وانگی آنی چاپ ئُُ شنگ ئِ ھرچ ئُُ درچ ئَ را حکومت سگ ایت۔ وانگ ئُُ زانگ ئَ را دیمروئی دیگ ئِ ھاترا ندکار آنی نکان آناں نز آرگ ئُُ پھازگ ئَ ابید ندکار آناں جوانی آسراتی ھم دیگ بیت۔

متعلقہ مضامینمصنف کی طرف سے مزید