سلام آباد۔ 6جنوری (اے پی پی) صدر مملکت ممنون حسین ئَ فاٹا ئَ را ملک ئِ ایندگہ راج آنی گوما ھمگام کنگ ئِ ھاترا فاٹا اصلاحات کمیٹی ئِ کرد ئَ را ساڑات ئُُ گوشت کہ اُلس ئِ زندمان ئِ تہ ئَ مٹ ئُُ بدلی آرگ ئِ ھاترا سپارش آناں زوت مھکم دارگ ئِ ضلورت ئِ سر ئَ زور پر دات۔ آئی ئَ اے گپ آدینگ ئِ سر ئَ ایوان ئِ صدر ئَ مزن وزیر ئِ مشیر برائے درئی کار سر تاج عزیز ئِ نیمگ ئَ فاٹا اصلاحات ئِ بابت ئَ آئی ئَ را داتگیں بریفنگ ئِ ساھت ئَ گوشت اَنت۔ گورنر خیبر پختونخوا اقبال ظفر جھگڑا، بُنجاھی وزیر برائے ریاست ئُُ سیم سرئی کار لیفٹیننٹ جنرل (ر) عبدالقادر بلوچ، وزیر ئِ کانود زاہد حامد ئُُ ایندگہ کلانئیں کارندہ ساڑی اَتنت۔ صدر ئِ مملکت ئَ اُمیت سُہرا کت کہ فاٹا اصلاحات کمیٹی زوت ھمے پیش کتگیں گپ آنی سر ئَ تپاکی منوگری کنت، ایش فاٹا ئِ اُلس ئَ را جوانیں سیاسی، کانودی ھک دنت ئُُ راجی یکوئی ئِ نیمگ ئَ یک جوانیں گام ئِ سُہرا بیت۔
