اسلام آباد۔ 19 ستمبر (اے پی پی) وزیر مملکت پارلیمانی امور علی محمد خان پارے کہ اسلام آباد نا علاقہ تمہ و موریاں علاقہ والا تا رضامندی آن بیدس زبردستی ڈغار تیا کوزہ کپننگ انگ ءِ، ساڑی آحکومت ہچ گہس ءِ ہموکان ہرفتنے۔ گدرینگوک آ اِراحکومت آک دابابت انت کہ فیصلہ اس کریسر ہموفتے ہلسا مون آ ہِننگ اُن۔ آئین و کانود نا رداٹ عمل مریک۔ چارشنبے نادے ایوان بالا ٹی سینیٹر کلثوم پروین نا چکاری نوٹس نا ورندی ٹی اوپارے کہ 2012 ء ٹی پیپلزپارٹی نا حکومت نا دوراٹی ہمووخت انا وزیراعظم اسہ انتظامی پرمان اسے نا رداٹ ہموڑے ہاؤسنگ سوسائٹی اس جوڑ کننگ نا پرمان کرے ولے اوڑآ عملدرآمد مننگ کتو ہراڑآ سپریم کورٹ بار ایسوسی ایشن سپریم کورٹ اٹی اسہ درخواست اس دائر کرے ہراڑآ عدالت نا اسہ پرمان اس ہم بس ولے اوڑآ عملدرآمد متو۔ دُوارہ سپریم کورٹ بار ایسوسی ایشن داڑآ توہین عدالت نا درخواست اس دائر کرے۔ 2015ء ٹی مسلم لیگ (ن) نا دوراٹی دامعاملہ غا سیکشن 4ءِ لاگو کننگا ہراڑآ ہندی آبادی برانز ہمکرے و ستمبر 2017 ء ٹی داجاگہ ءِ دوئی کننگ نا کوشست کننگا۔ اوپارے کہ 10 اگست 2018 ء آ سیکشن 17 نا رداٹ داجاگہ ءِ دوئی کننگ نا فیصلہ کننگا ولے ساڑی آ حکومت داوخت اسکان دابابت زبردستی جاگہ ءِ ہلنگ نا ہچ ءُ کوشست اس کتنے و نئے ہموکان خلقت ءِ ہرفینے ولے نن آئین نا رداٹ چلینگنہ۔
