اسلام آباد۔ 19 ستمبر (اے پی پی) چیئرمین سینیٹ محمد صادق سنجرانی نا سرکڑدہ ہی ٹی سینیٹ نا 4باسکی پارلیمانی ڈل اینو سہب انا اسلام آباد آن آذربائیجان نا دورہ غا رادہ مس۔ ایوان بالا نا ڈل ءِ آذربائیجان نا پارلیمنٹ نا چیئرمین پارلیمنٹ نا صد سالہ دود آتے ٹی بشخ ہلنگ نا سلہ خلکونے۔ ڈل تینا دورہ ٹی آذربائیجان نا صدسالہ دود آتے ٹی بشخ ہلنگ آن بیدس آذربائیجان نا صدر و وزیراعظم تون ہم اوڑدہی کیک۔ وخت اس کہ ایلو بڑزکو حکومتی عہدیدار و پارلیمانی سرکڑدہ غاتون اوڑدہی ہم دورہ ٹی اوار ءِ۔ چیئرمین سینیٹ پارے کہ پاکستان و آذربائیجان نا اسہ ایلو تون دوستانہ تعلقداری ءِ وپارلیمانی ڈل انا ہن و بر آن تین پہ تینی رابطہ غاتے پین مون آ دننگک، ڈل اٹی سینیٹ اٹی قائد ایوان ، سینیٹرز سردار محمد اعظم خان موسیٰ خیل، محمد ایوب آفریدی و نگہت مرزا وار ءُ۔
