پاک چین اقتصادی راہداری ڈٹ آن معاشی شونداری نا پوسکن ئُ کسر ملنگک
اسلام آباد۔ 05جنوری (اے پی پی) پاکستان کونسل چین ناایگزیکٹو ڈائریکٹر ڈاکٹر فضل الرحمان پارینے کہ پاک چین اقتصادی راہداری ڈٹ آن معاشی شونداری نا پوسکن ئُ کسر ملنگک۔ احوالکار آتون ہیت وگپ کرسا اوپارے کہ پاک چین اقتصادی راہداری ڈٹ آتیٹی پاکستان نا ہر چار آصوبہ غاتا است خواہی و امنائی اٹ دا ہیت صفا مسنے کہ ہرچارآ صوبہ غاتا حکومت آک و الس یکجائُ و داڈٹ آن معاشی شونداری نا پوسکن ئُ کسر ملنگک ہراڑآن مچ آ ملک انا غٹ علاقہ غاتیٹی معاشی شونہالی بریک۔ اوپارے کہ چینی معیشت دنیا ٹی ارٹ میکو بھلامعیشت ئِ و ہنداخاطران روس، ترکی ، ایران و گڑاس ایلو ملک آک ہم داڈٹ اٹی است خواہی نا درشانی ئِ کرینے ڈاکٹر فضل پارے کہ سی پیک نا برجاشونداری ڈٹ آتیٹی درملکی زرکاری پاکستان نا سرسہبی تا ضمانت ئِ ۔
