اسلام آباد۔ 04جنوری (اے پی پی) پرائم منسٹر نیشنل ہیلتھ پروگرام نا ساڑی 23ضلع غاتیان بیدس پین 11ضلع غاتیٹی اجراءنا منظوری تننگانے۔ دابابت وزیر نیشنل سروسز سائرہ افضل تارڑ پارے کہ الس اسکان معیاری جان جوڑی نا آسراتی تا رسینگ ننا غٹ انا اولین زمواری ئِ و داچرجوئی ٹی اسیجائی کوشست کننگے۔ او پارے کہ بنجاو صوبہ غاک اواری اٹ جان جوڑی نا بشخ اٹی اہم مزل اس دوئی کرینو ہراٹی لمہ و چنا نا جان جوڑی نا بابت ایکشن پلان نا رداٹ بنجاصوبہ غاتے کن جہانی ادارہ غاتیان بھلو زر اس دوئی کرینے ۔ داکان بیدس ساڑی ہی ٹی بین الصوبائی صلابت آن قومی ہیلتھ وژن 2025ءنا جوڑ اسہ اہم ئُ مزل اسے نا نشان ئِ۔ اوپارے کہ اونا وزارت 2013ءآن داوخت اسکان کیہی پروگرام تا بابت صوبہ غاتے کن وسیلہ غاتا بست و بند ئِ کرینے و تینا مینڈیٹ نا رداٹ بین الصوبائی ایجنسی تتون سرسہب مذاکرات کرینے۔ اوپارے کہ بین الاقوامی ہیلتھ ریگولیشن نا رداٹ ناجوڑی تا بین السرحدی توننگ ننا زمواری ئِ و ننا وزارت کلیدی کڑدادا کننگ ئِ۔ وزیر جان جوڑی سوگوشونداری ہدف آتا دوئی کن صوبہ غاتے کوشست آتے ترند کننگ کن پارے۔ اوپارے کہ پرائم منسٹر نیشنل ہیلتھ پروگرام نا رداٹ ساڑی آ 23ضلع غاتیان بیدس 11پین ضلع غاتیٹی پروگرام نا اجراءنامنظوری ئِ تسنے۔
