اسلام آباد۔ 04جنوری (اے پی پی) وزیراعظم محمد نواز شریف گیس صارف آتے زیات آن زیات آسودہی تننگ نا پارت کرینے۔ اوداہیت ئِ چارشنبے آ داڑے بنجائی وزیر پٹرولیم و قدرتی وسیلہ شاہد خاقان عباسی تون ہیت وگپ کرسا پارے ہراوزیراعظم ہاﺅس اٹی اوڑتون اوڑدہی کرے۔ بنجائی وزیر پٹرولیم و قدرتی وسیلہ وزیراعظم ئِ وزارت پٹرولیم نا برجاءڈٹ جاٹ و خاص کر ملک اٹی تیل و گیس انا پٹنگ نا بشخ اٹی چست کروک آ جتا گام گیج بارواٹی معلومدار کرے۔ وزیراعظم ئِ ایل این جی نا درآمد آ پیش رفت و کیہی بشخ آتے ایندھن نا فراوانی کن گام گیج آتا بارواٹی ہم پاننگا۔ وزیراعظم بنجائی وزیر ئِ پارت کرے کہ او داہیت ئِ المی جوڑ کے کہ گیس صارف آتے زیات آن زیات آسودہی ملے اوتوانائی ڈٹ جاٹ آتا بابت تین پہ تینی رابطہ غاتے ودفنگ ناہم پارت کرے۔

متعلقہ مضامینمصنف کی طرف سے مزید