اسلام آباد۔ 3 جنوری (اے پی پی) مزن وزیر محمد نواز شریف ئَ گوشت کہ پاکستان ئُُ بحرین وت مہ وت ئَ نزیکیں سنگتیں ملک اَنت، ھمے سبب ئَ بازیں پڑ ئَ شریکی کار کنگ بوھگ ئَ اِنت، ددنیمگی اُلس ئِ راجدپتر، ربیدگ، ئُُ نیک راھی ئِ روتگ مھکم ئُُ یک ئُُ دگر ئَ لچ اِتگ اَنت۔ اے گپ آئی ئَ نیشنل گارڈ آف بحرین ئِ کمانڈر لیفٹیننٹ جنرل شیخ محمد بن عیسیٰ بن سلمان الخلیفہ ئَ گوں سئے شمبے ئَ مزن وزیر گس ئَ گپ ئُُ تران ئِ ساھت ئَ کُت اَنت۔ مزن وزیر ئَ گوشت کہ پاکستان بحرین ئِ گوما شرئیں ئُُ جوانیں سیادی ئَ را ارزشت دنت۔ مارچ 2014ئَ شاہ حمد بن عیسیٰ الخلیفہ ئِ تر ئُُ تاب یات گاریں تر ئُُ تاب ئِ بوتگ، ایشی ئِ تہ ئَ دوئیں ملک اانی نیام ئَ دو نیمگی سیاسی ئَ را کمک رستگ۔ مزن وزیر ئَ گوشت کہ بحرین ئَ پاکستانی مردم یک بریج ئِ ئے کرد ئَ پیلو کنگ ئَ اَنت۔ پاکستان ئُُ بحرین ئِ دیمروئی ئَ ٹوھیں کرد ئِ پیلو کنگ ئَ اِنت۔ نیشنل گارڈ ئِ کمانڈر ئَ یک ئُُ دگر ئَ ئَ جوانیں ئَ وش اتک ئُُ وشنام بابت کُت۔ آئی ئَ گوشت کہ بحرین ئُُ پاکستان یک ئُُ دگر ئَ دوستیں ملک اَنت ئُُ وتی مہ وتی اقتصادی ئُُ تجارتی سیادی ئَ را ودینگ ئَ دلیکیم اَنت ئُُ واھشتیگ اَنت۔
