اسلام آباد۔ 3جنوری ( اے پی پی) دفاعی پیداوار ئِ بنجاہی وزیر رانا تنویر حسین ئَ گشتگ انتکہ اے گپ سمجھ ئَ تیر انت کہ پاکستان تحریک انصاف ئِ چیئر مین عمران خان ئَ حکومت ئِ ھلاپ آﺅکیں لس گچینکاری ئَ دھاندلی کنگ ئِ باروا ڈوبہ تراشی بندات کرتگ انت۔ یک نجی ٹیلی ویژن ئِ گوں گپ ئُُ تران کنگئَ آئی ئَ گشتگ کہ عمران خان ضمنی ئُُ ھندی حکومت آنی گچینکاری ئَ اول ئَ چہ شکست ئِ دیمپانی کرتگ انت ئُُ آھاں سال 2018ئِ لس گچینکاری ئَ ہم وتی شکست گندگ بوھگ ئَ انت۔ آئی ئَ گشتگ کہ عمران خان ئِ نیمگ ئَ ڈوبہ تراشی ئَ یک ہار بوﺅکیں مردم ئِ ذہنیت ئِ عکاسی کنت۔ آئی ئَ گشتگ کہ پاکستان مسلم لیگ آﺅکیں لس گچینکاری ئَ وتی کار ئُُ کرد ئَ شریں پالیسی ئِ وجہئَ مزنیں اکثریت ئَ سر سوبی گیت۔ یک جست ئِ پسو ئَ آئی ئَ گشتگ کہ پانامہ پیپرز کیس امید گِس ئَ انت ئُُ مزن وزیر ئَ وت ئَ احتساب ئِ ھاتر ئَ پیش کرتگ انت آئی ئَ گشتگ کہ حکومت پانامہ کیس ئَ سپریم کورٹ ئِ پیسلہ ئِ شرپ داریت۔ یک جست ئِ پسو ئَ آئی ئَ گشتگ کہ مزن وزیر ئَ سندھ حکومتئَ پنت ئُُ شون کرتگ انتکہ آ کراچی ئَ دیمروی منصوبہ بندات کنت۔ بنجاہی حکومت آھاں اے سلسلہئَ فنڈ دنت۔ آئی ئَ گشتگ کہ بنجاہی ئُُ صوبائی حکومت ئِ شریں گام گیج ئِ وجہ ئَ کراچی ئَ امن ئُُ ایمنی ئِ جاورال باز شر بوتگ انت۔
