پاکستانی سفیر معین الحق ئِ پیرس۔8ئِ میئر مس ہاٹسرے ئِ گوں گند ئُُ نند
اسلام آباد۔ 3جنوری ( اے پی پی) فرانس ئَ پاکستان ئ، سفیر معین الھق ئَ گشتگ انت کہ اُلس ئِ نیام ئَ رابطہ آں پاکستانئُُ فرانس ئِ نیام ئَ دود ئُُ ربیدگ ، وانگی ئُُ دومی شعبہ آں سیادی دِگہ محکم بیت۔ اے گپ آئی ئَ چار شمبےئَ پیرس ئَ پیرس۔ 8ئِ میئر مس ہاٹسرے ئَ گند ئُُ نند ئِ وھد ئَ گپ ئُُ تران کنگئَ کرتگ۔ آئی ئَ گشتگ کہ اُلس ، سکالرز، محقیقین ئِ نیام ئَ رابطہ ئُُ نو در بر ئُُ دود ئُُ ربیدگی ٹولہ ئِ بدلی ئَ دیمروی دئیگ ئَ دوئیں ملک آنی نیامئَ سیادی ئَ دِگہ محکم کرت کن انت۔ آئی ئَ اے سلسلہ ئَ پاکستانی سفارتخانہ ئ، نیمگئَ فرانس ئَ پاکستانئِ چاگردی، دود ئُُ ربیدگی، تاریخی ورثہ ئَ زورگ ئِ ھوالہ ئَ کرتگیں گام گیج ئَ آگاہ کرتگ۔ پاکستانی سفیر ئَ وتی ئُُ پاکستانی اُلس ئِ نیمگ ئَ زالبول میئر ئَ کرسمس ئُُ نوکیں سال ئِ مبارکباتی ہم داتگ۔ اُلس ئِ نیامئَ رابطہ آنی ارزشت ئَ مننگ ئَ زالبول میئر ئَ ملکی دود ئُُ ربیدگی، چاگردیئُُ تاریخی ورثہ ئَ فرانس ئَ متعارف کنگ ئِ ھاتر ئَ پاکستانی سفارتخانہ ئِ گوں سرجمی ئَ کمک ئِ یقینی دہانی کنائینتگ۔
