اسلام آباد۔ 3جنوری ( اے پی پی) کشمیر ئِ باروا دو روچی میاں استمانی پارلیمنٹری سیمینار باند ئَ پنچ شمبے ئَ بیت آئی ئِ مکسد مقبوضہ کشمیر ئَ کشمیری آنی بھارتی زلم ئُُ زوراکی ئَ زورگی انت۔ سیمینار ئِ ارزشت ئِ پیش نظر مزن وزیر محمد نواز شریف افتتاحی سیشن ئَ بہر زوریت۔ سیمینار ئَ پارلیمنٹ ئِ 20باسک آنی ھواری ئَ یورپی پارلیمنٹ، برطانیہ، کینیڈا ئُُ شمالی امریکہ ئِ ایکسپرٹس بہر زور انت چوشکہ 400ئَ چہ زیات راجی ٹولہ بشمول تھنک ٹینک ، سوشل سائنٹسٹس، انٹر نیشنل رپورٹرز ئُُ نو در بر بہر زور انت۔ پاکستان انسٹی ٹیوٹ آف پارلیمنٹر سروسز ( پپس) ، وزارت خارجہ، وزارت امور کشمیر ئُُ گلگت بلتستان، حکومت آزاد جموں ئُُ کشمیر سیمینار ئِ اڈ دئیگ ئِ ھاتر ئَ پارلیمنٹ ئِ گوں کمک کنگ ئَ انت۔ سیمینار ئِ ھاتر ئَ راجی اسمبلی ئِ سپیکر سردار ایاز صادق ئَ داتگ ات۔ بہر زوروک آں کشمیر جیڑھ ئِ لہتیں پہلو آنی سرا بحث کن انت۔ 2روچی سیمینار پاکستان انسٹیٹیوٹ آف پارلیمنٹری سروسز ئِ آڈیٹوریم ئَ بیت۔
