اسلام آباد۔ یکم جنوری(اے پی پی) مزن وزیر محمد نوازشریف ئَ نوکیں سال 2017 ئِ موہ ئَ راج ئِ نام ئَ نیکیں واھگ آنی درشانی کتگ ئُُ اُمیت سہرا کتگ کہ اے سال پاکستانی اُلس ئَ پہ گیشتریں شاتکامی ئُُ وشی کار اِت۔ نوکیں سال ئِ موہ ئَ راج ئِ نام ئَ کلوہ ئِ تہ ئَ آئی ئَ گوشت کہ آیوکیں سال 2017ئِ پاکستانی ئِ راجداپتر ئِ جوانیں سال ئِ بیت ایشی ئِ تہ ئَ نوکیں دیمروئی کارئیت ئُُ ناشرکاری ئِ را بُن جل ئَ چہ پاکستان ئَ بُن گوج کنگ بیت۔ مزن وزیر ئَ گوشت کہ 2017ئِ بندات مارا گوست ئِ سال ئِ چار ئُُ تپاسی ئُُ وتی ردئیگ آنی کشگ ئِ موہ ئَ دنت۔
