اسلام آباد۔ 30 دسمبر (اے پی پی) ملک انا کیہی بشخ آتیٹی جمعہ آ گوتلو نا سوب پی آئی اے نا فلائیٹ آپریشن جزوی وڑاٹ زہمی مس۔ ترجمان پی آئی اے نا رداٹ لاہور اٹی گوتلو نا سوب ریاض آن لاہور آ بروک آ پی آئی اے نا جہاز PK726ئِ کراچی آ شیف دڑفنگا۔ صلالہ آن لاہور کن پی آئی اے نا جہاز PK236ئِ ہم کراچی آ دڑفنگا۔ دبئی و ملتان اٹی ہم حدنگاہ بے کچ کم ئس۔ ابوظہبی آن ملتان آ بروک آ پی آئی اے نا جہاز PK294نا رخ ئِ اسلام آباد نا کنڈا کننگا ہنداوڑ اسلام آباد آن دوبئی آ ہنوک آ جہاز PK233نا رخ ئِ گوتلو نا سوب شارجہ غا کننگا۔ حدنگاہ گچین مننگ تون ہی جہاز آک تینا بالی پٹ آتیا سرکننگار ۔
