اسلام آباد۔ 25 جون (اے پی پی) ادارکی بُنجاھی وزیر اھوالکاری ءُُ شنگ کاری ءُُ کانود ءُُ ھک رسانی ءُُ پارلیمانی کار بیرسٹر سید علی ظفر ءَ گوشت کہ الیکشن ءِ مھتلی ءِ اچ ترس نیست لس گچین کاری ءِ برجائی 25جولائی ءَ بیت، فاٹا ءِ جوڑیشت ءَ پد آسراتی پُجارینگ بیت، یورپی یونین، ایشیا ءِ ریجن ءَ ھوار میاں اوستمانی گشتانکار آنی کار رپک ءِ رد ءَ موہ دیگ بیت۔ فاٹا ءِ جوڑیشت ءَ پد آسراتی پُجاری کنگ ءِ واستہ کمیٹی کار کنگ ءَ اِنت، توامیں سٹیک ھولڈر آں گوں گپ ءُُ تران کنگ بوتگ، آئین ءِ رد ءَ فاٹا ءَ ایم این ایز ءِ الیکشن لس گچینکاری ءِ گوما وھدیکہ صوبائی اسمبلی ءِ واستہ الیکشن ءِ برجائی یک سالے ءِ توک ءَ کنگ بیت، الیکشن کمیشن ءِ رولز ءِ چیر دستی ءَ ھم حلقہ ءَ الیکشن ءِ ساھت ءَ زالبول آنی ٹرن آؤٹ نمبگ ءَ چہ کم بیت آھودا الیکشن کمیشن دووارگ الیکشن کنائینگ ءِ حکم ءَ دات کت کنگ۔ آ دو شمبے ءَ ’’پی این سی اے ‘‘ ءَ مراگش ءَ چہ پد میڈیا ءَ گوں ھال تران کنگ ءَ ات۔ بُنجاھی وزیر بیرسٹر سید علی ظفر ءَ گوشت کہ جمہوریت ءِ برجائی ءِ واستہ میڈیا ءِ کرد ارزشتی اِنت۔ ملک ءَ ساپ ءُُ سلۂ ایں گچین کاری ءِ واستہ توامیں ادارگ آنی کلیتی کرد بیت۔ آئی ءَ گوشت کہ ادارکی حکومت ءَ ساپ ءُُ سلۂ ایں الیکشن ءَ را دل یکیمی جوڑ کنگ ءِ واستہ چاریں صوبگ آنی بیوروکریسی ءَ را مٹ ءُُ بدلی کتگ، ھر کجا ترس بیت اپسرگ گچین کاری آنی تہ ءَ دست مانجی گوں ھلاپ ءِ مردم یا پارٹی ءَ امیت وار ءِ گوما کنگ ءَ انت گڈا شکاست آنی سرتءَ حکومت زوتاں زورت ایکشن زور ایت۔ آئی ءَ گوشت کہ ساپ ءُُ سلۂ ایں الیکشن راجی نپ ءُُ سیت ءِ ھاترا اِنت ایشی ءِ واستہ حکومت ھمک پڑ ءَ گامگیج کنگ ءَ اِنت۔
