اسلام آباد۔30جون (اے پی پی): وفاقی وزیر داخلہ محسن نقوی ءُ وزیر مملکت طلال چوہدری ءَ محرم ءِ سیکورٹی منصوبگ ءِ چار ءُ تپاسی ءِ واستہ مرکزی امام بارگاہ ءِ تر ءُ تاب کتگ ءُ امام بارگاہ ءِ منتظمین ءَ گوں گند ءُ نند کتگ ءُ بندوبست ءِ بابت ءَ جست ءُ پرس کتگ۔ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ وزیر داخلہ محسن نقوی ءَ ماتمی مردمانی رکھینگ ءِ واستہ سیکورٹی ءُ اے دگہ بندوبست آنی سر ءَ ھم چار ءُ تپاسی کتگ۔ وزیر داخلہ محسن نقوی ءَ امامبرگاہ ءِ منتظمین ءَ گوں گند ءُ نند کتگ ءُ بندوبست ءِ بابت ءَ جست ءُ پرس کتگ۔ منتظمین ءَ سیکورٹی ءُ دگہ بندوبست آنی سر ءَ رضامندی ءِ درشانی کتگ۔ تہی کارانی وزیر محسن نقوی ءَ گوشت کہ محرم ءِ موہ ءَ یک سرجمیں سیکورٹی منصوبگ جوڑ کنگ بوتگ، شرارتی عناصر آنی سر ءَ نزیکیں نگرانی کنگ بوھگ ءَ انت ءُ نگرانی ءَ را گیش گہتر کنگ بوتگ۔ محسن نقوی ءَ گوشت کہ بزدلیں دژمن ءِ بدیں نیتی آناں ناکام کنگ ءِ واستہ سیکورٹی ہائی الرٹ ءَ انت۔ آئی ءَ گوشت کہ آزات کشمیر۔ گلگت بلتستان ءُ سرجمیں صوبہ آں فوج ءِ ایر کنگ ءِ منظوری ایشانی لوٹ ءِ سرا داتگ۔ محسن نقوی ءَ گوشت کہ سول انتظامی ءِ کمک ءِ واستہ صوبگ آنی تہ ءَ فوج ساڑی بیت۔ آئی ءَ گوشت کہ ڈی آئی جی اسلام آباد پولیس ءَ بنجاھی وزیر تہی کار محسن نقوی ءَ را سیکورٹی انتظامی آنی ھوالگ ءَ بریفنگ دات۔ بنجاھی سیکرٹری تہی کار خرم آغا، ایس ایس پی شعیب ھم اے موہ ءَ ساڑی اَت۔
