لاہور۔30جون (اے پی پی): وفاقی وزیر برائے دیمروئی ءُ منصوبہ بندی پروفیسر احسن اقبال ءَ گشتگ کہ ’’اُران پاکستان‘‘ مئے راجی اقتصادی بدلی ءِ حکمت عملی انت، پاکستان ءِ مول ءُ مراد 2035 ءَ تاں کھرب ڈالر ءِ معیشت جوڑ بوھگ انت، نوں سول سروس سسٹم ءِ ضلورت انت کہ ایشی ءِ تہا ضوابط ءِ ہمراہی ءَ مول ءُ مراد ءِ سرا دلگوشی دیگ بہ بیت۔ اے ھیالانی درشانی آئی ءَ دو شمبے ءِ روچ ءَ اسکول آف پبلک پالیسی ءَ 123می نیشنل مینجمنٹ کورس ءِ بنگیجی مراگش ءَ گوں گشتانک دیان ءَ کت۔ وفاقی وزیر پروفیسر احسن اقبال ءَ گوشت کہ اے سول سروس ءِ نظام بازیں وھد ءَ چہ پاکستان ءِ سول سروس ءِ سروکی ءَ را راجی سروس ءِ واستہ آزمائش، ریفائننگ ءُ تیاری ءِ واستہ یک ھاسیں وسیلگ ءِ بوتگ۔ شما اے ملک ءِ جوانیں افسر آنی تہ ءَ ھوار اِت ءُ آیوکیں سال آنی تہ ءَ شمئے ھزمت مئے ملک ءِ دیمروئی ءِ رھبند ءِ زانگ ءَ مزنیں کردے پیلو کن اَنت۔ آئی ءَ گوشت کہ اے کورس ایوک ءَ وانگ ءُ زانگ ءِ مشق نہ اِنت بلکیں راجی احتساب اِنت اے پاکستان ءَ بدلی ءِ دیم ءِ قوت ءِ رنگ ءَ وت ءَ را دوبر تصور کنگ ءِ یک ساھت ھم اِنت۔ کارکردگی ءِ یک تضاد یے کہ زانتکاریں مردم ناکارہیں نظام ءَ پرچا ھلاس نہ کن اَنت۔ اے یک تلخیں حقیقتے کہ مارا ایمانداری ءَ گوں دیم پہ دیم کنگی اِنت۔ آئی ءَ گیش کرتگ کہ انفرادی رنگ ءَ مئے سول سرونٹ ملک ءِ زانتکاریں مردمانی تہ ءَ ھوار اَنت بلے اجتماعی رنگ ءَ سول سروس ءِ نظام ھما آسراتی ءِ دیم دیگ ءَ ناکام اِنت کہ مئے راج ءِ مستحق اِنت۔ مئے وانگ ءُ زانگ ءِ نظام پرچا بے سوب اِنت؟ پرچا ملک ءِ مزنیں دمگاں جان سلامتی ءِ آسراتی ناقابل رسائی یا ناکارہ اَنت؟ انفراسٹرکچر ءِ منصوبہ پرچا سٹال بنت ءُ المی ئیں آسراتی ءِ تہا دیر بیت؟ ریاستی ادارہانی سرا راج ءِ اعتماد پرچا کم بوہگ ءَ اِنت؟ اے مئے سانحہ اِنت کہ مئے کرّا زانتکاریں مردم اَنت بلے نظام ھما آسراتی ءَ سر نہ کنگ ءَ اِنت کہ آھانی لوٹ اِنت۔ گناہ افراد ءِ تہا نہ انت بلکیں پرانے رہبندانی تہا انت، خطرہ ءِ چہ رکّینگ ءِ دود ءُ ربیدگ ءُ نتیجہ ءِ احتساب ءِ کمی ءِ تہا انت۔ احسن اقبال ءَ گوشت کہ مارا یک انچیں سول سروس سسٹم ءِ ضلورت اِنت کہ ایشی ءِ تہ ءَ ریگولیشنز ءِ گوما مقصد ءِ سر ءَ دلگوشی دیگ بہ بیت۔ آئی ءَ گوشت کہ دگنیا مرچی گوں تیزی ءَ بدل بوھگ ءَ انت۔ ٹیکنالوجی، جیو پولیٹیکس، آبادی ءِ بدلی ءُ چاگردی چیلنج دنیا ءِ دیم ءَ انت۔ چارمی صنعتی انقلاب معیشت ءِ کار ءُ حکومتانی سرکاری ھزمتانی دیم دیگ ءِ راہ ءَ بدل کنگ ءَ اِنت۔ پاکستان یک المی ئیں موڑ ءِ سر ءَ اِنت۔ آئی ءَ گوشت کہ مارا معیشت ءَ را نا وشھالی ءِ چکر ءَ چہ در کنگ لوٹ ایت، گورننس ءَ را پدا معتبر جوڑ کنگ لوٹ ایت ءُ دیمروئی ماڈل ءَ را کمک ءِ سر ءَ انحصار کنگ ءَ چہ برآمد ءُ پیداوار ءِ سر ءَ بنیات ءَ بدل کنگ لوٹ ایت۔ اے درستیں گپ گوں کوھنیں رھبند ءَ ممکن نہ اَنت۔ وفاقی وزیر ءَ گوشت کہ مارا بیست ءُ یکمی کرن ءِ سول سروس ءِ ضلورت اِنت کہ آ ڈیٹا ءِ وسیلگ ءَ کار بہ کنت، ٹیکنالوجی ءَ گوں بندوک بہ بیت، پالیسی ءِ رد ءَ کار بہ کنت ءُ آسر آنی واستہ احتساب بہ کنت۔ آئی ءَ گیش گوشت کہ اسٹار گورننس ماڈل سول سروس ءِ واستہ نوکیں کوڈ اِنت۔ ما اے گورننس ماڈل ءَ را وفاقی ادارہ آنی تہ ءَ دیم ءَ برتگ۔ اے یک انچیں اسٹار ماڈل یے کہ استحکام ءِ واھند اِنت، ھما ادارہ جوڑ کنت کہ پالیسی ءِ تہ ءَ یکوئی ءِ گوما سیاسی بے رھبندی ءَ چہ رکھینگ بنت، یک انچیں نظامے کہ ایشی ءِ تہ ءَ شفافیت ھست، ھر پیسلہ ءُ ھر روپیہ ءِ حساب ءُ کتاب ھرکس ءَ کنت پرچا کہ شفافیت ءَ چہ بھروسہ پیداک بیت۔ اے نظام فرتیلی کہ ایشی ءِ تہا بیوروکریسی ترند، لچکدار ءُ جوابدہ بہ بیت ءُ نظام ذمہ واری ءِ سرا بندوک بہ بیت کہ ایشی ءِ تہا سرکاری ملازم یکوئی ءُ احتساب ءِ گوما سرکاری وسیلگ آنی سرپرست بہ بنت۔ وزیر ءِ درئی کار ءَ گوشت کہ اے ایوک ءَ یک تھیوری ءِ نہ اِنت بلکینگ ءَ اے عملی بلو پرنٹ اِنت کہ ما چوں منصوبگ بندی، پیسلہ کنگ ءُ سروس ڈیلیوری ءَ را گہتر جوڑ کن ایں ۔ آئی ءَ گوشت کہ وھدے من ءَ چین پاکستان اقتصادی راہداری ءِ سروکی ءِ ذمہ واری دیگ بوت گڑا اے یک جرات مندیں ءُ مزنیں منصوبگ ات کہ ایشی ءِ تہ ءَ توانائی، انفراسٹرکچر، گوادر، صنعتی زون، ھرچیز ءَ را محدودیں وھد ءِ تہ ءَ سرجم کنگ لوٹ ایت ءُ اے منصوبگ ءِ بنداتی سوبمندی ءِ سبب شما مردم ات۔ پروفیسر احسن اقبال ءَ گوشت کہ سرکاری کارندہ آں کہ جتا جتائیں وزارت، صوبہ ءُ ادارگ آنی تہ ءَ یکجائی ءَ محنت کتگ، ما 25ارب ڈالر ءِ سرمایہ کاری متحرک کتگ، مزنیں توانائی ءُ بنیاتی ڈھانچہ منصوبگ سرجم کتگ ءُ پاکستان ءَ را دمگی مرکز ءِ رنگ ءَ پیش کتگ۔ آئی ءَ گوشت کہ سی پیک اے گپ ءِ زندگیں مثال اِنت کہ سول سروس ءِ تہ ءَ وھدے مشن، سروکی، ءُ مول ءُ مراد ھست گڑا مزنیں مول ءُ مراد ھم سرجم کنگ بوت کن اَنت۔ آئی ءَ گوشت کہ ’’اُدان پاکستان‘‘ ءِ ٹریلین ڈالر ءِ وژن ءُ 5Es مرچی مئے مول ءُ مراد اِنت کہ پاکستان ءَ را 2035ءَ تاں ٹریلین ڈالر ءِ معیشت جوڑ کنگ بہ بیت۔”اُران پاکستان‘‘ مئے راجی اقتصادی بدلی ءِ حکمت عملی اِنت کہ ایشی ءِ بنیات پنچ Es ءِ سر ءَ اِنت، ایشی ءِ تہ ءَ اولی برآمدات، دومی ای پاکستان، سیمی چاگرد، وردن ءُ وراک ءُ آپ ءِ سیکیورٹی، پنچمی ای ڈھانچہ ءُ ءُ بااختیار کنگ ءِ ھاترا دیم ءَ اتکگ۔ آئی ءَ گوشت کہ شما برآمد دوستیں پالیسی جوڑ بہ کن اِت، ریگولیٹری بوجھ ءَ را کم بہ کن اِت، بنجاہی صنعتی کلسٹر آناں دیمروئی بہ دئے اِت، کانود ءَ چہ ابید مقابلہ ءَ را اولیت بہ دئے اِت، سرکاری ازمت آناں ڈیجیٹل بہ کن اِت، فائل ءِ سر ءَ بنیات ءِ نظام ءَ را ڈیجیٹل گورننس ءِ نیمگ ءَ شِفٹ بہ کن اِت، چاگردی رہبند آنی سر ءَ عمل بہ کن اِت، کشت ءُ کشاری ءُ آپ ءِ بندوبست ءِ تہ ءَ ٹیکنالوجی ءَ را دیم ءَ بیار اِت، چاگرد ءَ را دیمروئی ءِ ھاترا رہشونی بہ کن اِت۔ ءُ محرومیں دمگاں چہ دیم ءَ اتکگ۔
