اسلام آباد ۔ 25 جون (اے پی پی)آیوکیں لس گچین کاری آنی تہ ءَ بھر زوروکیں امیت وار آنی نامینگی کاگد ریٹرنگ اپسرگ آنی نیمگ ءَ منظور یا رد کنگ ءِ ھلاپ ءَ اپیل آنی گوشداری (باندا) چار شمبے ءِ روچ ءَ گڈی روچ اِنت چار ءُُ تپاس بوھوکیں لڑ پنچ شمبے ءِ روچءَ جاڑی کنگ بیت۔ الیکشن کمیشن ءِ نیمگ ءَ جاڑی بوتگیں گچین کاری شیڈول ءِ رد ءَ ریٹرننگ اپسرگ ءِ نیمگ ءَ آیوکیں لس گچین کاری آنی تہءَ بھر زوروکیں امیت وار اانی کاگد منظوری یا رد کنگ ءِ ھلاپ ءَ اپیل آنی سرءَ اپیلٹ ٹربیونلز ءِ نیمگ ءَ پیسلہ (باندا) چار شمبے ءِ روچءَ تاں کنگ بنت۔ امیت وار آنی سرءَ چار ءُُ بچار بوتگیں لڑ پنچ شمبے ءَ جاڑی کنگ بیت وھدیکہ نامینگی کاگد 29 جون ءَ واپس زورگ بوت کن اَنت، ھمے روچ ءَ امیت وار آنی پکوئیں لڑ شنگ کنگ بیت وھدیکہ 30جون ءِ امیت وار آناں گچین کاری نشان الاٹ کنگ بنت۔ راجی ءُُ چاریں صوبائی اسمبلی آنی واستہ پولنگ 25جولائی ءَ بنت۔
