اسلام آباد۔30جون (اے پی پی): ساہیوال ءِ نیمگ ءَ چہ آزات گچین بوتگیں راجی اسمبلی ءِ باسک چوہدری عثمان علی ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ چوہدری عثمان علی ءَ را پاکستان مسلم لیگ ءِ تہ ءَ ھوار بوھگ ءِ لوٹ ءِ سر ءَ مبارک بات داتگ ءُ آئی ءِ واستہ نیکیں واھشت آنی درشان کتگ۔ قومی اسمبلی ءِ باسک چوہدری عثمان علی ءَ حکومت ءِ پالیشی آنی سر ءَ دل یکیمی ءِ درشان کت ءُ مزن وزیر ءَ را آیوکیں سال ءِ بجٹ ءِ قومی اسمبلی ءِ نیمگ ءَ منظوری ءِ سر ءَ مبارک بات دات۔ گند ءُ نند ءَ حلقہ ءِ ھوالگ ءَ گپ ءُ تران بوتگ ۔ مزن وزیر ءِ مشیر رانا ثنا اللہ ءَ ھم دیوان ءَ بھر زرتگ۔
