اسلام آباد۔ 25 جون (اے پی پی) بُنجاھی وزیر اھوالکاری ءُُ شنگ کاری ءُُ راجی مڈی بیرسٹر سید علی ظفر ءَ گوشت کہ پاکستان ءُُ چین ءِ نیام ءَ مھکمیں دود ءُُ ربیدگی یکوئی برجا انت، مھکمیں دود ربیدگی یکوئی مدامیگیں واستہ بنت ایشی ءَ چہ محبت دوستی گیش بیت ءُُ یکوئی ود اَنت۔ چین پاکستان اقتصادی راہداری (سی پیک) چین ءِ ون روڈ ون بیلٹ ءِ کامیاتیں منصوبگ ات، دو نیمگی دود ءُُ ریبدگی ھیال ریچی سک باز ارزشتی انت، پاکستان ءُُ چین ءِ نیام ءَ یکوئی ، سیاسی ءُُ چاگردی یکوئی ءَ پد انوں دو د ءُُ ربیدگی یکوئی گیش مھکم بوھگ ءَ اَنت۔ آ دو شمبے ءَ پی این سی اے ءَ سٹیمپس ءِ وسیلگ چینی دود ءُُ ریبدگی ءِ دیمروئی ءِ ھوالگ ءَ ’’چائنہ ان سٹیمپس‘‘ نماش ءِ بنگیجی مراگش ءَ گشتانک دیگ ءَ اَت۔ ڈی جی پی این سی اے جمال شاہ، چینی سفارتخانہ ءِ کارندہ ءُُ ڈل ھم مراگش ءَ بھر زوری کنگ ءَ اتنت۔ بُنجاھی وزیر بیرسٹر سید علی ظفر ءَ گوشت کہ پاکستان ءُُ چین ءِ نیام ءَ یکوئی ءُُ واھگ، معازی ءُُ سیاسی یکوئی ءَ چہ پد نوں سیاسی تک ءَ ھم یکوئی گیش بوھگ ءَ انت ایش وشیں گپ اِت، دوئیں ملک آنی الس ءَ چہ الس ءَ تاں رابطہ ارزشت ءِ بستار کرز اَنت۔ آئی ءَ گوشت کہ پاکستان کجام ھم جیڈھ ءِ تہ ءَ وتی دوستیں ملک چین ءِ گوما ھمگام ءَ اوشتاتگ۔
