اسلام آباد۔30جون (اے پی پی): آئی ٹی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ گشتگ کہ آیوکیں شش ءُ ہشت ماہ ءِ تہا ہسپتال، اسکول ءُ پولیس اسٹیشن فائبر کنگ بنت، اے آئی ءُ نوکیں ٹیکنالوجی ششمی کلاس ءَ چہ کنڈرگارٹن ءَ برگ بنت، ءُ آ وزارت ءِ یک نادراہ ءِ کمک ءَ گوں کار کنگ ءَ انت۔ دو شمبے ءِ روچ ءَ آئی ٹی ءِ وزارت ءِ نیمگ ءَ چہ جاڑی بوتگیں بیان ءِ رد ءَ آئی ٹی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ گوشت کہ مزن وزیر ءَ اسلام آباد ءَ را پائلٹ سمارٹ سٹی جوڑ کنگ ءِ ہدایت کتگ، وزارت ءَ اسلام آباد ءِ سرجمیں سرکاری اسکول، بی ایچ یو ءُ جان سلامتی ءِ شوبگ آناں فائبر ءِ پھجارینگ ءِ واستہ فنڈنگ داتگ، ہسپتال، اسکول آنی تہ ءَ فائبر ءِ دیم ءَ آھگ ءِ ھاتر ءَ پولیسائزڈ سیکٹر ءُ ماہ۔ آئی ءَ گوشت کہ مفت پبلک وائی فائی ءِ واستہ خاصیں جاھانی پجار کنگ بوھگ ءَ انت، میٹرو بس ءُ سرکاری جاھاں وائی فائی ءِ واستہ سرکاری پرائیویٹ شریکداری ءِ وسیلگ ءَ کار کنگ بوھگ ءَ انت، وزارت وانگ ءُ زانگ مئے گوما سرجمی ءَ کمک کنگ ءَ انت۔ وفاقی وزیر ءَ گوشت کہ دوریں دمگ آنی تہ ءَ ایڈ ٹیک ءِ وسیلگ ءَ وانگ ءُ زانگ ءِ آسراتی پجاری کنگ بنت، اے آئی ءُ نوکیں ٹیکنالوجی آناں ششمی تبک ءَ چہ کنڈرگارٹن ءَ برگ بیت، مزن وزیر ءِ واھشت اِنت کہ اسلام آباد ءَ ھمک زھگ وانگ ءُ زانگ بہ زوریت۔ آئی ءَ گوشت کہ اے منصوبگ گلگت بلتستان ءُ دوریں دمگ آنی تہ ءَ ھم سر کنگ بہ بیت، دوریں اسکول آنی تہ ءَ ھم وانگ ءُ زانگ ٹیکنالوجی ءِ وسیلگ ءَ ممکن جوڑ کنگ بیت۔ آئی ءَ گوشت کہ آ وزارت جان سلامتی ءِ کمک ءَ ’’یک نادراہ یک شناختی کارڈ‘‘ ءِ سر ءَ کار کنگ ءَ اَنت، ٹیلی میڈیسن ءِ وسیلگ ءَ سرجمیں بی ایچ یو آناں انٹرنیٹ ءِ پجارینگ بیت، ءُ ماہرین آنی گوما آن لائن مشورہ ءِ پجارینگ بیت۔ شزہ فاطمہ ءَ گوشت کہ مزن وزیر ءَ آئی ٹی ءِ وانگ ءُ زانگ ءَ را نصاب ءِ تہ ءَ ھوار کنگ ءِ واستہ کمیٹی جوڑ کتگ، پنچ لکھ ورنا آناں نوکیں آئی ٹی ءِ ہنر آنی تہ ءَ تربیت دیگ ءِ ٹارگٹ اِنت، دو لکھ زھگاں گوگل، سئے لکھ ہواوے ءُ دو لکھ مائیکروسافٹ ءِ نیمگ ءَ چہ تربیت دیگ بیت۔ آئی ءَ گوشت کہ جنک ءُ بچک بنجاھی تک ءَ اے آئی ءِ وانگ ءَ چہ دیم ءَ رو اَنت، ملک ءِ آئی ٹی ورک فورس ءَ را جھان ءِ رہبند آنی رد ءَ تیار کنگ ءِ واستہ ھمگرنچیں گامگیج چست کنگ بوھگ ءَ اِنت۔
