اسلام آباد۔22جون (اے پی پی) سرپانک مزن وزیر جسٹس (ر) ناصر الملک ءِ سروکی ءَ بنجاھی کابینہ ءِ دیوان جمعہ ءِ روچءَ مزن وزیر کارگس ءَ بوتگ۔ کابینہ ءَ منیجنگ ڈائریکٹر بیت المال بیرسٹر عابد وحیدشیخ ءِ دست کشی منظور کتگءُ پاکستان بیت المال ءِ گیشیں چارج ایڈیشنل سیکرٹری کابینہ ڈویژن ءَ را دستءَ دیئگءِ منظوری داتگ۔ کابینہ ءَ انسانی آسراتی ءِ دیمروئی ءِ پڑءَ کمک ءِ ھاترءَ پاکستان ءُ سوڈان ءِ نیام ءَ مفاہمت ءِ یادگیری ءِ سرءَ دستخط کنگءِ ھم منظوری داتگ۔ کابینہ ءَ حکومت پاکستان ءِ امریکی ڈالرز ءِ ایمنسٹی بانڈز رولز 2018ءِ ھم منظوری داتگ۔ کابینہ ءَ جوانیں سفارت کار جمشید مارکر ءِ بیرانی ءِ سرءَ دلءِ جہلانکءَ دلپدردی ءِ درشانی کتگءُ سفارت کاریءِ پڑءَ ءُ ملک ءِ ھاترءَ آئی ءِ اِزمتءَ را دادءُ سلام پیش کتگ۔
