اسلام آباد۔28جون (اے پی پی): صدر آصف علی زرداری ءَ شمالی وزیرستان ءَ سیکورٹی فورسز ءِ کاروان ءِ سر ءَ ناشرکاری اُرش ءِ سک باز مذمت کتگ ءُ گوشت کہ پاکستانی راج ءُ سیکورٹی فورسز بھارت ءِ سرپرستی ءَ بوتگیں ناشرکاری ءِ بُن ھشت ءَ چہ ھلاس کنگ ءِ واستہ جزم اَنت۔ شمبے ءِ روچ ءَ صدارتی ایوان ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ فتن ال ہندوستان ءِ ناشرکاراں تراکناکیں چیزاں چہ پُریں گاڑی ءَ را سیکورٹی فورسز ءِ کاروان ءَ را ٹکر داتگ۔ صدر ءِ مملکت ءَ آپریشن ءِ ساھت ءَ وتی جان ندر کرتگیں 13 بامردیں سپاھیگ آناں شگر ءُ منت پیش کت ءُ گوشت کہ شھید آناں وتی جان ءِ ندر کنگ ءَ ماتیں وطن ءِ ایمنی دل یکیمی کتگ۔ آصف زرداری ءَ گوشت کہ راج وتی شہید آنی قربانی آناں کدی شموشکار نہ بیت، ھما مردم کہ ماتیں گلزمین ءِ رکھینگ ءِ راہ ءَ وتی سر ندر کتگ اَنت مئے راستیں بامرد اَنت۔ صدر ءِ مملکت ءَ گوشت کہ اے رنگیں بزدلی اُرش ءَ چہ راج ءِ حوصلہ ھم ھلاس کنگ نہ بیت۔ صدر ءِ مملکت ءَ شمالی وزیرستان ءَ 14 خوارج ءِ کوش ءِ پد ءَ سیکورٹی فورسز ءَ را شگر ءُ منت درشان کتگ۔ صدر ءِ مملکت ءَ گوشت کہ پاکستانی راج ءُ سیکورٹی فورسز اے بھارت ءِ سرپرستی ءَ بوتگیں ناشرکاری ءِ رِد ءُ بند ءِ واستہ جزمیگ اَنت۔ آصف علی زرداری ءَ ٹپیگیں لس مہلوک، زھگ ءُ زالبولانی زوت جان سلامتی ءِ دعا لوٹائینتگ۔ آئی ءَ دعا کتگ کہ اللہ تعالیٰ شہیدانی پڑ ءَ برز بہ کنت ءُ پش کپتگیں ھاندان ءَ صبر ءُ اوپار بہ دنت۔ صدر ءِ مملکت ءَ گوشت کہ ناشرکاری ءِ سرجمیں ھلاسی ءَ تاں سیکورٹی فورسز ءِ آپریشن برجاہ مان اَنت۔
