اسلام آباد۔22جون(اے پی پی) پیسرگیں مزن وزیر شاہد خاقان عباسی ءَ حلقہ این اے 53ءَ چہ نامینگی کاگد نہ منگءِ فیصلہ ءِ ھلاپ ایپلٹ ٹریبونلءَ دزبندی جم کتگ ۔ جمعہ ءِ روچءَ پیسرگیں مزن وزیر شاہد خاقان عباسی ءَ وتی وکیل طاہر محمود دعباسی ایڈووکیٹ ءِ وسیلگءَ حلقہ این اے 53ءَ چہ نامینگی کاگد نہ منگءِ فیصلہ ءِ ھلاپ ایپلٹ ٹریبونلءَ دزبندی جم کتگ۔ جم کتگیں دزبندی ءِ تہا پیسرگیں مزن وزیر ءَ اے لیکہ دیمءَ ایر کتگ کہ پہ زانتءُ کزدن ایچ راستی چیر دیئگ نہ بوتگ، کاگدانا ں پدا شر کنگءَ تیار اَں، آر او ءَ کانود ءِ رد تشریح کنگءَ کاگد نہ من اِتگ اَنت۔ دزبند ی ءِ تہا گشگ بوتگ کہ ریٹرننگ افسر ءِ فیصلہ ءَ را نہ منگ بہ بیتءُ آئیءَ را راجی اسمبلی حلقہ این اے 53اسلام آباد ءَ چہ گچین کاری کنگءِ اجازت دیئگ بہ بیت۔
