اسلام آباد۔28جون (اے پی پی): مزن وزیر محمد شہباز شریف ءُ این ڈی ایم اے ءِ چیئرمین لیفٹیننٹ جنرل انعم حیدر ملک ءِ نیام ءَ ٹیلی فون گپ ءُ تران بوتگ، ایشی ءِ تہ ءَ این ڈی ایم اے ءِ چیئرمین ءَ مزن وزیر ءَ را ملک ءَ گوستگیں روچاں ھور ءِ جاور ھال آنی بابت ءَ سرپد کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ چیئرمین این ڈی ایم اے ءَ را ہدایت کتگ کہ آ سرجمیں ملک ءَ ھاسیں رنگ ءَ بُرزیں دمگ آنی صوبائی حکومت آنی گوما رابطہ ءَ بہ دار ایت ءُ کمک بہ کنت۔ مزن وزیر ءَ چیئرمین این ڈی ایم اے ءَ را ہدایت کت کہ آ اے درگت ءَ ریسکیو ادارگ، ضلعی انتظامیہ ءُ صوبائی حکومت آنی گوما رابطہ ءَ را گیش فعال بہ کنت۔ آئی ءَ ھم ہدایت کتگ کہ شہری آناں موبائل فون میسج ءِ وسیلگ ءَ چہ پیسر ءَ موسم ءِ جاور ھال آنی بابت ءَ سرپد کنگ بہ بنت۔
