اسلام آباد ۔ 23 جون (اے پی پی) پاکستان ءِ تہ داشتگیں روس ءِ سفیر الیکسی دیدوف ءَ گوشت کہ پاک روس سیادی ءِ گہتری ءِ تہ رشین ایلومنیائی ھاسکر ڈاکتر شاہد حسن ءِ ھاسیں کرد انت۔روسءِ مزن تکی وانگی ادارگہاں تعلیم سرجم کنوکیں گریجویٹس ءِ دوئیں ملکانی میان ءَ گہتری ھاترا ہزمت ستا ءِ لائق انت۔اے گپ آہاں گوستیں روچ ءَ ایسوسی ایشن آف پاکستانی گریجویٹس فرام رشیا ءِ چیر دستی ڈاکٹر شاہد حسن ءِ شرپ ءَ مراگش ءَ گوشتانک کنان ءَ گوشت ات۔پاک روس وت مہ وتی دوستی سیادی ءِ گہتری ءِ ھاترا ہزمت ءِ پجار ءَ روس ءِ ڈنی کارانی وزیر سرگئی لاوروف ءَ ڈاکٹر شاہد ءَ را حاسیں ایوارڈ ءَ چہ نوازاتگ۔پاکستان ءِ تہ روس ءِ سفیر الیکسی یوروچ دیدودف اے موہ ءَ ھاسیں مہمان اتنت۔مراگش ءَ لیفٹننٹ جنرل (ر) ناصر جنجوعہءِ ھوار روسی سفارتخانہ ءِ ٹوھیں واکدار،ٹوھیں سول ءُُ ملٹری واکدار ءُُ ایسوسی ایشن آف پاکستانی گریجویٹس فرام رشیا ءِ نماھندگ ءَ بہر زوراتگ۔روسی سفیر الیکسی دیدوف ءَ پاکستان ءُ روس ءِ میان ءَ دوستانہ سیادی ءَ را دراجی دیگ ءَ پہ کرد ءَ را ساڑاتگ ءُُ دوئیں ملکانی میان ءَ اقتصادی ءُُ ربیدگی سیادی ءَ مھکم کنگ ءِ ازمتاں را دیما آورتگ۔ایشی ءِ پدا ڈاکٹر شاہد حسن ءَ ایوارڈ ءِ ھاترا روس ءِ حکومت ءُُ سفیر الیکسی دیدوف ءِ منت گپتگ انت۔
