اسلام آباد/روم۔28جون (اے پی پی): راجی وردن ءُ وراک ءِ سلامتی ءُ پٹ ءُ پول ءِ وفاقی وزیر رانا تنویر حسین ءَ گوشت کہ پاکستان کشت ءُ کشاری دیمروئی ءُ موسمی جیڈھ آناں گیواری ءِ واستہ ایف اے او ءِ چیئرمین ءِ گوما کار کنت۔ اے ھیالانی درشانی آئی ءَ اٹلی ءَ برجم داشتگیں اقوام متحدہ ءِ فوڈ اینڈ ایگریکلچر آرگنائزیشن ءِ مزن تک ءِ کانفرنس ءَ بھر زوری کنان ءَ کت۔ شمبے ءِ روچ ءَ ادا راجی وردن ءِ سلامتی ءُ پٹ ءُ پول ءِ وزارت ءِ نیمگ ءَ جاڑی بوتگیں پریس ریلیز ءِ رد ءَ کانفرنس ءِ ساھت ءَ پاکستان ءَ ایف اے او کونسل ءِ نوکیں چیئرمین ءُ وائس چیئرمین آنی گچین کاری ءَ سرگرمیں رنگ ءَ بھر زوری کتگ۔ اے موہ ءِ سر ءَ رانا تنویر حسین ءَ گوشت کہ پاکستان نوکیں چیئرمین ءَ را وش اتک کنت ءُ گلوبل ایگریکلچر گورننس ءِ تہ ءَ شریکداری ءَ را دیمروئی دنت ۔ آئی ئَ گوشت کہ ایف اے او ئِ چیئرمین ئِ باسکیں ملک آنی نیام ئَ مشورہ، تپاکی ئُُ شُھازگ ئِ پیسلہ آناں دیم ئَ برگ ئَ کلیدی کرد پیلو کنت۔ رانا تنویر حسین ءَ گوشت کہ پاکستان ایف اے او ءِ تہ ءَ شریکداری، اصلاحات ءُ باسکیں ملک آنی پائدگ آنی رکھینگ ءِ واستہ جزمیگ انت، مارا امیت انت کہ نوکیں چیئرمین باسکیں ملک آناں یک پلیٹ فارم ءِ سر ءَ یکجا کنگ ءِ واستہ کرد پیلو کنت۔ رانا تنویر حسین ءَ گوشت کہ پاکستان کشت ءُ کشاری ءِ دیمروئی ءَ را دیم ءَ برگ ءُ موسمی چیلنج آنی گیواری ءِ واستہ ایف اے او ءِ چیئرمین ءِ گوما کار کنت۔
