اسلام آباد۔22جون(اے پی پی ) راجی اسمبلی ءِ اسپیکر سردار ایاز صادق ءَ حلقہ این اے 129ءِ ریٹرننگ افسر ءِ ھوالگءَ الیکشن کمیشنءَ را نمدی نبشتہ کتگ ءُ آئی ءِ تہا ریٹرننگ افسر ءِ سرءَ وتی کارءِ تہا دربازی ءِ مردم نہ بوھگءِ بھتان جتگ ءُ گشتگ اے گچین کاری ءَ چہ پیسر لُچی ءُ ٹگی کنگ بوھگءَ اِنت۔ وسیلگ ءِ گشگءِ ردءَ راجی اسمبلی ءِ اسپیکر سردار ایاز صادق ءِ نیمگءَ چہ حلقہ این اے 129ءِ ریٹرننگ افسر ءِ ھوالگءَ الیکشن کمیشن ءَ را نبشتہ کتگیں نمبدی ءِ تہا تچکءَ گشگ بوتگ کہ ریٹرننگ افسر سرجمءَ دربازی ءِ مردم بہ بیت آایچ گلءَ را کمک مہ کنت بلے اِدءَ آ مئے سیاسی نہ منوک علیم خانءَ را کمک کنگءَ اِنت۔ آئی ءَ لوٹ کتگ کہ حلقہ این اے 129ءِ ریٹرننگ افسر مٹ کنگ بہ بیت۔ اگاں ھمیں ریٹرننگ افسر بہ بیت گڈا وھدءَ چہ پیسر لُچیءُ ٹگی بیت۔ اگاں اے وڈ بوت مہ زرشانی کن اَنتءُ ھمے ریٹرننگ افسرءِ نیمگءَ چہ جار جتگیں گچین کاری ءِ نتیجگءَ ھم نہ من اَنت۔
