اسلام آباد۔ 21 جون (اے پی پی) صدر مملکت ممنون حسین تاجکستان ءِ چار روچی سرکاری تر ءُُ تاب ءِ سرجم کنگ ءَ پد وطن ءَ واتر سر بوت۔ دو شنبے ءِ بالی پٹ ءَ چہ روادگی ءِ وھد ءَ تاجکستان ءِ نائب مزن وزیر ذاکر زادھ محمد طاہر ءَ صدر ءِ مملکت ءَ را رخصت کت۔ وطن ءَ واتر ءِ واستہ صدر ءِ ممنون حسین دو شنبے ائیر پورٹ ءَ سر بوت گڈا نائب مزن وزیر ءِ ھمبراہ تاجکستان ءِ ٹوھیں سرکاری ڈل آں آرا وش اتک کت۔ تاجک کارندہ آں تر ءُُ تاب کنگ ءِ رد ءَ صددر ءِ ممنون حسن ءِ شگر ءُُ منت گپت۔ چار روچی تر ءُُ تاب ءَ تاجک صدر امام علی رحمان ءَ ھوار جتا جتائیں مملکت آنی سروک آں صدر ءِ ممنون حسین ءَ گوں گند ءُُ نند کت۔ اے گند ءُُ نند آنی تہ ءَ دو نیمگی کار آں ھوار پڑ ءِ تجارتی، اقتصادی ءُُ چاگردی چست ءُُ ایر آنی دیمروئی ءِ بابت ءَ کار آنی سر ءَ چار ءُُ بچار کنگ بوت۔ تر ءُُ تاب ءِ ساھت ءَ صدر ءِ ممنون حسین ءَ میاں اوستمانی ’’آبی‘‘ کانفرنس ءَ پاکستانی ڈل ءِ سروکی ھم کت۔ صدر ءِ مملکت ءَ آپی جیڈھ آنی گیواری ءِ ھاترا زور پر دات کہ میاں اوستمانی برات کسد ءُُ کننت آں یل بکن اَنت ءُُ وت مہ وتی کمک آناں دیمروئی بدینت۔
