اسلام آباد۔21جون (اے پی پی ) سرپانک مزن وزیر جسٹس (ر) ناصرالملک ءَ لھس گچین کاری 2018ءِ ھاترءَ الیکشن کمیشن ءِ تیاری آنی سرءَ سدکی ءِ درشانی کتگءُ چیف الیکشن کمشنر ءَ را اوست داتگ کہ ملک ءِ انتظامیہ انتظامیہ دربازی، ساپ ءُ صلہ ءُ آزاتیں گچین کنائنگ ءَ الیکشن کمیشن ءَ را سرجمءَ کمک کنت۔ آئی ءَ اے گپ پنچ شمبے ءِ روچءَ چیف الیکشن کمشنر جسٹس(ر) سردار محمد رضا ءَ گوں الیکشن کمیشن سیکرٹریٹ ءَ گندءُ نندءِ تہا گشتگ۔ الیکشن کمیشن آف پاکستانءِ نیمگءَ چہ جاری بیان ءِ تہا گندءُ نندءِ تہا آؤکیں لھس گچین کاری 2018ءِ ھاترءَ الیکشن کمیشن ءِ تیاری آنی سرءَ الکاپی ءُ تفصیل ءِ سرءَ گپءُ تران بوتگ۔ چیف الیکشن کمشنر ءَ سرپانک مزن وزیر ءِ منت گپتگءُ گشتگ کہ ساپءُ صلائیں ءُ امنءُ ایمنیں گچین کاری کنگءِ ھاترءَ ملک ءِ دراھیں ادارگانی کرد سک باز ارزشت داریت تنکہ آئینءِ مزنی ءَ ھوار راجءِ اُمیتاناں پیلو بہ کنتءُ الیکشن کمیشن اے راجیءُ آئینی فرض ءَ گوں جوانیں ءَ بہ کنت۔
