اسلام آباد ۔ 12 جون (اے پی پی) وزارت ڈٹ بندی، شونداری واصلاحات سرکاری بشخ انا شونداری پروگرام تیٹی ہاؤسنگ اینڈ ورکس ڈویژن ناشونداری کاریم تے کن جم وڑاٹ داوخت اسکان 9ارب 36کروڑ82 لکھ روپئی آن زیات نا فنڈ جاری کرینے ، حکومت داڈویژن نا شونداری کاریم تے کن ہندامالی سال اٹی 15 ارب 60 کروڑ روپئی آن زیات نا فنڈ جتا کرینے ۔ پلاننگ کمیشن نا کنڈآن جاری کروک حساب وکتاب نارداٹ حکومت ضلع لورالائی ٹی شونداری کاریم تے کن 29کروڑ 99لکھ ، ضلع نارووال اٹی 16کروڑ 80لکھ، تحصیل مری ٹی کنوئی آ صاف دیر انا فراوانی کن 22 کروڑ، تحصیل کہوٹہ ٹی کنوئی آ صاف دیر انا فراوانی کن 25 کروڑ، ضلع ہری پور اٹی چندی شونداری اسکیم تے کن 30 کروڑ روپئی تون اوار چندی شونداری کاریم تے کن فنڈ جاری کننگانے ۔
