آزات کشمیر ءِ مردم دیمروئی، مھکم، سرکاری ھزمت ءُ دیمروئی ءِ ھاترا جزم انت، بیرسٹر دانیال چوہدری

راولپنڈی۔10جولائی  (اے پی پی): وفاقی پارلیمانی سیکرٹری برائے اطلاعات ءُ شنگکاری بیرسٹر دانیال  چوہدری ءَ گوشت کہ آزات کشمیر ءِ الس دیمروئی، استحکام، سرکاری ھزمت ءُ دیمروئی ءِ واستہ جزم اَنت ءُ آیوکیں گچین کاری آنی تہ ءَ یک رندے پدا مسلم لیگ ءِ سروکی ءِ سر ءَ سرجمیں دل یکیمی ءِ درشان کن اَنت۔ اے ھیالانی درشانی آئی ءَ آزات کشمیر ءِ قانون ساز اسمبلی ءِ گچین کاری ءِ تیاری ءِ ھوالگ ءَ این اے 57 راولپنڈی ءَ برجم داشتگیں دیوان ءَ گوں تران کنان ءَ کت۔ گند ءُ نند ءَ پیسریگیں میئر راولپنڈی سردار نسیم خان، ارکان پنجاب اسمبلی ضیاء اللہ شاہ اور رفعت عباسی، سابق رکن پنجاب اسمبلی راجہ ارشد محمود، چیف کوآرڈینیٹر راجہ عبدالباسط مسکین، آزاد کشمیر قانون ساز اسمبلی  ءِ  امیت وار  احمد رضا قادری  ءُ  یاسین لون، مسز ممتاز ملک، ندیم اختر بھٹی، ملک حسنین صابر، نوید کیانی، راجہ شاہد، یاسر بٹ، شمع فردوس، زری بیگم  ءُ دگہ چاگردی ءُ تنظیمی رہشونانی نام ءَ زانگ بیت۔ بیرسٹر دانا ایل چوہدری ءَ گوشت کہ مسلم لیگ ءَ مدام سرکاری ھزمت، آجوئی، دیمروئی منصوبگ ءُ راجی یکوئی ءِ دود ءُ ربیدگ ءَ را دیم ءَ برتگ وھدیکہ اپوزیشن ءَ را ایوک ءَ الزام ءُ آشوب ءِ ھست کہ آ الس ءَ را بہ دنت۔ آئی ءَ گوشت کہ مسلم لیگ (ن) ءِ سروکی ءَ ھمک مشکلیں وھد ءَ الس ءِ سیت ءَ را اولیت داتگ ءُ ملک ءُ قوم ءِ دیمروئی ءِ واستہ عملی گامگیج کتگ۔ آزات کشمیر ءِ مردم سرپد انت ءُ آ کارکردگی، ھزمت ءُ دیمروئی ءِ سفر ءَ را ھیال ءَ دارگ ءَ وتی پیسلہ ءَ کن انت۔ وفاقی پارلیمانی سیکرٹری ءَ کارکن آنی سر ءَ زور پر دات کہ آ گچین کاری مہم ءِ وھد ءَ دروازگ ءَ دروازگ ءَ بہ رو اَنت، حکومت ءِ راج دوستیں پالیشی ءُ دیمروئی گامگیج آناں جوانیں رنگ ءَ پدر بہ کن اَنت ءُ یکوئی، نظم ءُ ضبط ءُ جوانیں رویہ ءِ درشان ءَ بہ کن اَنت۔ آئی ءَ گوشت کہ آیوکیں گچین کاری آنی تہ ءَ سوبمندی ءِ واستہ کارکن آنی جوش ءُ جزبگ، تنظیمی یکوئی ءُ برجاھیں السی رابطہ سک باز ارزشتی اِنت۔ مسلم لیگ (ن) ءِ کارکن پارٹی ءِ دارالحکومت انت ءُ آہانی محنت ءُ لس مھلوک ءِ بھروسہ ءِ سبب ءَ گچین کاری ءَ مزنیں سوبمندی یے رس ایت۔ آئی ءَ جزم ءِ درشان کت کہ پارٹی سروکی ءِ رہشونی ءَ آزات کشمیر ءَ دیمروئی ،وشھالی ءُ الس ءِ گہبودی ءِ سفر ءَ را گیش دیم ءَ برگ بیت ۔ دیوان ءَ گچین کاری ءِ حکمت عملی، تنظیمی جیڈھ، راجی رابطہ ءِ مہم ءُ کارکنانی ذمہ واری آنی سر ءَ ھم سرجمیں رنگ ءَ گپ ءُ تران کنگ بیت۔ شریکیں مردماں گچین کاری مہم ءَ را منظم ءُ موثر رنگ ءَ برجم دارگ ءِ ھاترا وتی جزم ءِ درشانی کت، تعلقات عامہ ءَ را گیش تازگی آرگ ءِ ھاترا، ءُ پارٹی ءِ امیدوار آنی سوبمندی ءِ تہا سرجمیں کرد پیلو کنگ ءِ ھاترا  جزم ءِ درشان کتگ۔