بلوچستان ءِ انوگیں وئیل ڈکھی اِت ، علی مردان ڈومکی

کوئٹہ۔ 10 جولائی (اے پی پی): بلوچستان ءِ پیسریگیں سر وزیر علی مردان خان ڈومکی ءَ زیارت، ہنا اورک ءُ بلہے منپال ءَ گوستگیں روچاں ناشرکاری ءِ وئیلانی سرا سک باز دلپدردی ءُ غم ءِ درشانی کتگ ءُ شہیدانی کھول ءِ گوما دلپدردی ءُ ہمدردی ءِ درشانی کتگ۔ جمعہ ءِ روچ ءَ وتی کلوہ ءِ تہ ءَ آئی ءَ گوشت کہ بلوچستان ءَ بوؤکیں انوگیں وئیل بے دروریں رپک ءُ دل تراکیں وئیل انت کہ ایشی ءِ آسر ءَ بے کساس انسانی جانی تاوان بوتگ۔ پیسریگیں کیئر ٹیکر سر وزیر ءَ گوشت کہ بے گناہیں شہری آناں نشانگ جوڑ کنگ ءِ اے رنگیں وئیل نا منگ بوتگ انت ایشی ءَ چہ سرجمیں چاگرد ءَ را تاوان رسیت۔ علی مردان خان ڈومکی ءَ شہیدانی رِتک برز کنگ، کھول ءِ صبر ءُ ٹپیانی زوت ءُ سرجمی ءَ جان سلامتی ءِ دعا لوٹائینتگ۔ آئی ءَ گوشت کہ بلوچستان ءَ برجمیں امن، الس ءِ ایمنی ءُ برجمیں برجائی ءِ واستہ درستیں اسٹیک ہولڈر وت مہ وتی کمک، ھمگرنچی ءُ یکجائی کوشست آنی وسیلگ ءَ وتی جوانیں کرد ءَ پیلو کنگی انت۔