مزن وزیر شہباز شریف ءَ گوں اقوام متحدہ ءِ سیکرٹری جنرل ءِ امیت وار میکی سال  ءِ گند ءُ نند کتگ

اسلام آباد۔10جولائی  (اے پی پی): مزن وزیر محمد شہباز شریف ءَ اقوام متحدہ ءِ منشور ءِ مول ءُ مراد ءُ اصول آنی سر ءَ عمل کنگ، اقوام متحدہ ءِ سلامتی کونسل ءِ قرارداد آناں سرجمی ءَ عمل کنگ ءُ میاں اوستمانی امن ءُ ایمنی ءِ دیمروئی ءِ واستہ میاں اوستمانی کانود ءُ منوگری آنی سر ءَ عمل کنگ ءِ واستہ پاکستان ءِ مھکمیں ءُ بے مٹیں جزم ءِ سر ءَ زور پر دات۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اقوام متحدہ ءِ نامینتگیں سیکرٹری جنرل  میکی سال ءَ مزن وزیر گس ءَ مزن وزیر محمد شہباز شریف ءَ گوں گند ءُ نند کت۔ مزن وزیر ءَ نوکیں سیکرٹری جنرل ءَ را وش اتک کنان ءَ کثیر نیمگی کمک ءِ واستہ پاکستان ءِ بے دروریں جزم ءِ یک رند ءَ پدا گوشت ءُ جہانی معاملہ آنی تہ ءَ اقوام متحدہ ءِ مرکزی کرد ءِ واستہ پاکستان ءِ مھکمیں ءُ بے دروریں کمک ءِ درشان کت۔ مزن وزیر ءَ اے گپ ءِ سر ءَ دل یکیمی ءِ درشان کت کہ اقوام متحدہ ءِ آیوکیں سروکی تنظیم ءِ سئے ستون بزاں میاں اوستمانی امن ءُ ایمنی، دیمروئی ءُ انسانی ھک آناں متوازن رنگ ءَ دیم ءَ برگ ءِ واستہ جوانیں کرد پیلو کنت۔ مزن وزیر ءَ اقوام متحدہ ءِ منشور ءِ مول ءُ مراد ءُ اصول آنی سر ءَ عمل کنگ، اقوام متحدہ ءِ سلامتی کونسل ءِ قرارداد آناں سرجمی ءَ عمل کنگ ءُ جھان ءِ امن، ایمنی ءُ وشھالی ءِ دیمروئی ءِ واستہ میاں اوستمانی کانود ءُ منوگری آناں احترام کنگ ءِ واستہ پاکستان ءِ مُدامی ءُ بے دروریں جزم ءِ یک رندے پدا گوشت۔ میلا سال ءَ اقوام متحدہ ءِ ھاتر ءَ پاکستان ءِ دیریں ءُ ارزشتی ایں ھزمت آناں ساڑات ءُ جھان ءِ امن ءِ دیمروئی ءِ ھاتر ءَ برجاھیں کوشست آنی تہ ءَ پاکستان ءِ حکومت ءِ جوڑیشت ءِ کرد ءَ را ساڑات۔