پیرا ءَ اسلام آباد ءَ ورچوئل (آن لائن) اسکول آنی واستہ ریگولیٹری فریم ورک ءِ منظوری داتگ

راولپنڈی۔10جولائی  (اے پی پی): اسلام آباد دارالحکومت ءِ نجی وانگ ءُ زانگ ءِ ادارگ ریگولیٹری اتھارٹی ءَ اسلام آباد دارالحکومت ءِ دمگ ءَ ورچوئل  (آن لائن) اسکول آنی واستہ یک جامع ریگولیٹری فریم ورک ءِ منظوری داتگ کہ ایشی ءَ چہ پاکستان ءَ ڈیجیٹل وانگ ءُ زانگ ءِ دیمروئی ءِ تہ ءَ مزنیں سنگ میل ءِ نشانی بوتگ۔ فریم ورک ءِ تہ ءَ اولی رند ءَ آن لائن ءُ مجازی اسکول آنی رجسٹریشن، ریگولیشن، مانیٹرنگ ءُ کوالٹی ءِ یقین دہانی ءِ واستہ یک رسمی ءُ منظمیں نظام ءِ دیم ءَ آرگ بوتگ کہ ایشی ءِ تہ ءَ ہائیر سیکنڈری لیول ءَ تاں وانگ ءُ زانگ ءِ پھجارینگ ءِ ادارگ آنی سر ءَ کارمرد کنگ بیت۔ نوکیں پالیسی ءِ مول ءُ مراد ایش انت کہ آ ھما زھگاں کہ چہ وانگجاہ ءَ در انت (Out-of-School Children)، دوریں دمگاں نندوک انت، ھاسیں لوٹ ءُ گزر ھست انت، روزگار یا دگہ زمہ واریانی سبب ءَ روایتی وانگجاہاں شُت نہ کن انت یا آھاں ھچ وڑیں جغرافیائی، مالی یا جسمانی رکاوٹ ءِ دیمپان انت۔ اے رسمی ریگولیٹری سسٹم ءِ جوڑ کنگ ءَ چہ وانندگی ءِ شرح گیش بیت ءُ اے گپ ءَ را دل یکیمی کنگ بیت کہ ہچ زھگ چہ وانگ ءُ زانگ ءَ در نہ بیت۔ فریم ورک ءِ تہ ءَ وانگ ءُ زانگ ءِ کوالٹی ءَ را دل یکیمی کنگ ءِ واستہ سختیں گامگیج ھوار اَنت، ایشی ءِ تہ ءَ ڈیجیٹل پیڈاگوجی ءِ تہ ءَ استاد آنی واستہ لازمی تربیت، سیکور لرننگ مینجمنٹ سسٹم (ایل ایم ایس) ءِ کارمرد کنگ، سائبر سیکورٹی ءِ لوٹ، برجاھیں اکیڈمک رسائی، راجی نصاب ءِ گوما ھمگرنچ کنگ، معیاری چکاس ءِ نظام، نودربر ءِ وشھالی ءُ پی نگرانی ءُ تعمیل ءِ موثر یقینی جوڑ کنگ ءِ ھاترا  پالیسی ءِ تہ ءَ پرائمری، مڈل، سیکنڈری ءُ ہائیر سیکنڈری تک ءَ مجازی وانگ ءُ زانگ ءِ واستہ جتا جتائیں ریگولیٹری سٹینڈرڈ ھم ٹھینگ بوتگ اَنت، ایشی ءِ تہ ءَ استاد ءِ اہلیت، اسکرین ٹائم لیمٹ، امتحان ءِ کارروائی، عملی سرگرمی ءِ بندوبست ءُ موثر نگرانی ءِ نظام ھوار اَنت تانکہ آن لائن وانگ ءُ زانگ ءِ کوالٹی ءَ را روایتی کوالٹی ءِ وانگ ءُ زانگ ءِ ادارگ آنی برابر ءَ برجم دارگ بہ بیت۔ آئی سی ٹی پیرا ءِ چیئرمین ڈاکٹر غلام علی ملاح  ءَ گوشت کہ اے فریم ورک ءِ منظوری پاکستان ءِ وانگ ءُ زانگ ءِ نظام ءَ را ڈیجیٹل لائنز ءِ سر ءَ ذمہ واریں رنگ ءَ جوڑ کنگ ءِ نیمگ ءَ یک مزنیں گامگیج اِنت۔ آئی ءَ گوشت کہ اگاں چہ فیڈرل بورڈ آف انٹرمیڈیٹ اینڈ سیکنڈری ایجوکیشن ءَ پیسر ءَ چہ آن لائن اسکول آنی نودربر آنی واستہ چکاس کنگ بوھگ ءَ انت بلے اے شوبگ ءَ کوالٹی، شفافیت، احتساب ءُ یکوئی ءَ را دل یکیمی کنگ ءِ واستہ یک جامع ریگولیٹری پالیشی ءِ سک باز ضلورت انت۔ ڈاکٹر غلام علی ملاح  ءَ گیش گوشت کہ اے ریگولیٹری فریم ورک دگہ صوبہ ءُ دمگ آنی واستہ ھم ماڈل ثابت بیت، ایشی ءِ بنیاد ءَ آ آن لائن وانگ ءُ زانگ ءِ واستہ موثر ریگولیٹری سسٹم جوڑ کنگ ءِ ھم توان ءَ دار اَنت۔ آئی ءَ اے گپ ءِ سر ءَ زور پر دات کہ ٹیکنالوجی ءِ وسیلگ ءَ جوانیں رکھینگ ءُ مھکمیں نگرانی ءِ وسیلگ ءَ وانگ ءُ زانگ ءِ رسائی ءَ را گیش کنگ ، کوالٹی ءِ وانینگ ءِ دیمروئی ءُ ملک ءَ وانندگی ءِ شرح ءَ را گیش کنگ ءِ واستہ یک موثریں وسیلگ ثابت بوت کنت۔ ڈاکٹر غلام علی ملاح  ءَ وفاقی وانگ ءُ زانگ ءُ پیشہ وارانہ تربیت ءِ وزارت ءِ ھاسیں منت واری ءِ درشان کنان ءَ گوشت کہ اے ھاسیں پالیسی دستاویز ءِ تیاری ءِ تہ ءَ وزارت ءِ برجاھیں رہشونی، دلبڈی ءُ ھمک پڑ ءَ کمک بوتگ۔ آئی ءَ گوشت کہ وزارت ءِ وژن ءُ مھکمیں کمک ثبوت آنی سر ءَ بنیات ءَ وانگ ءُ زانگ ءِ گہتری کار ءُ ڈیجیٹل ٹرانسفارمیشن ءِ دیمروئی ءِ واستہ المی کرد پیلو کنگ ءَ انت۔ آئی ءَ گوشت کہ اے ریگولیٹری فریم ورک اے جزم ءِ درشان اِنت کہ آئی سی ٹی پیرا پاکستان ءَ درست آنی واستہ ھواریں، رسائی ءُ آیوکیں وھد ءِ ثبوت ءِ وانگ ءُ زانگ ءِ موہ آنی پجارینگ ءِ واستہ وتی کوشست آناں برجاہ دار ایت، ھمے وھد ءَ وانگ ءُ زانگ ءِ شوبگ ءَ جوانیں گورننس، مزنیں کوالٹی، شفافیت ءُ نودربر آنی رکھینگ ءِ گوما نوکیں چیز آناں ھمگرنچ کنت۔